Popular Bible Verses from 2 Timoteo 4

Share

Nítawawarerupa eta nukanaraira'i eta tamaurikeneana. Wa'i nuvitaekene'a'ini. Nítaucha'i eta nutuparakasiwa'i maye'e ema Viákenu. Núnaka'i muraka eta nusuapira'i ema Jesús.

eta taka'e, pímiyanawachucha pikametarairu eta máechejiriruwa ema Viya te jákani pítujisirawana. Pékatiakawakaicha muraka ena téjekapawana'i. Pechejikawaka, pétumechawaka ena, apaesa tiúri eta napanereruana. Pakamichasera eta pímitusirawakaya namutu.

Taicha titekapayare eta sácheyare ena achaneana waipa nasuapaima'i eta vímiturapiana táurikeneana, étainapa náichayare eta nawara'akeneanaichu. Natanukainapa ena nákani tímitukanayare eta tájiparakana, nakarichuinapa tisamakareanayare naye'e. Tasapi'ainapa náepuruyare eta vimiturapiana yátupikeneana'i, nakaepakekuinapa. Étasera eta náepiyapiruana ena achaneana, tasapi'ayare eta tisuapakareyare'i naye'e.

Pítisera pinasiyareichu tájina píchirawaima'i. Pikamichayare tamutu eta pikatajiwairana. Pímiyanawachucha pikametarairu eta máechejiriruwa ema Viya. Pítauchayare eta pituparakasiwa'i.

Puiti etanecha nukuchapa'i eta jena sácheyare eta máijarasiranuyare eta níjarakasiya me Viákenu, taicha eta né'isira'i yátupi. Ema, máitauchayare'i eta máijarasiranuyare eta níkuchi'i maye'e. Wá'iwaresera nákarichuima'i nuti nukaijarakasiyare. Éneichuwa máijarakayarewa namutu nákani tikuchapana'i eta machaviraya.