Popular Bible Verses from Ɓi Rom 6

Share

Kombot bakaaɗ na wirndohse kakaan ; waaye onohi Kooh na baahohe wa kipes ki heyɗi reehe ŋ niki ɗu nik ŋ Kiristaani Yeesu, Heɗ ɓoo.

Bakaaɗ heyɗi ɗu yilfe, laam waasi yilifɗi ɗu, e baahohiŋ Kooh kilifaaniŋ ɗu.

Ŋ ɓoktuki ŋ kakaan keem, ɓoo namiɗ uumbu na ɗe ne, findi a hultoh taamboh ŋ yaki Baabi yak, ɓoo nam hultoh ɗaa, pesee pesohaaɗ as.

Kinaat faɗ cir ciŋ faan ciŋ ɗu po bakaaɗ kee ca tuma ganaay tumoha in yurhaaɗi. Waaye eɗaat haf ɗu Kooh findi pesoh ci kaane, te ɗu eɗ Kooh cir ciŋ faan ciŋ ɗu findi ganaay tumoha in yurhiɗ.

Ɓoo inhaat inii : Ɓoo nikee ɓo' wiiriis ɗeɓgaan, ɓoyi ɓoo nikee daaƴuuɗ na Yeesu ŋ kurwaa ne ini nikee bakaaɗ ŋ ɗooƴ ɓoo reehɗu po ɓoo nikissuu ñaam bakaaɗ.

Wa mand ɗaa nga ɗu, ambaat ne ɗu kaaniɗ ŋ ini kaɗ ŋ bakaaɗ te ɗu ɓii pes wuu Kooh ŋ niki ɗu nik ŋ Kiristaani Yeesu.

Kon, ɓoo woyan na book ? Ɓoo risaat bakaaɗ ne Kooh uup ɓoo baahoh e ? Muk ! Ŋ ini kaɗ ŋ bakaaɗ, ɓoo kaaniɗ, ɓoo min na pesis ŋ bakaaɗ ?

Ɗu inhiɗ ne ɗu eɗ ɓo' haf ɗu ne ɗu nik ñaamiŋ ɗe te ɗu kerhiɗ ɗe ɗah, ɗu ñaamiŋ ɗe. Ali wa nik bakaaɗi, wi na ɓayohe ŋ kakaan wala kerhiɗ Kooh wi na ɓayohe ŋ kiyurah, ɗu ñaamiŋ wi ɗu teyɗukiɗ.

Waaye Kooh corkiɗaah, ɗu nikee ñaam ciŋ bakaaɗ, waaye ɗu teyɗukiɗ ŋ keeñ ciŋ ɗu kotii jangɗohi ɗu rahas. Kooh pulɗiɗ ɗu ŋ bakaaɗ, ɗu ñaam ciŋ kiyurah kotii.