Popular Bible Verses from Maarko 4

Share

Wa a yunu, a ngassa puuɗsa, a woosa cookma ne : « Yeeɓka ! Seema ! » Puuɗsa seemmba, ɗiska eennda teɗ. Ƴutta a woosa taalubeeciŋ ɗe ne : « Wa ye tah ɗu neek ? Ɗu ris kosɗi poyi e ? »

Ɓa feyuusa lool, ɓa woyeeɗa ŋ harmban ɓa ne : « Ƴaarii joy nik ɓa po puuɗsi na cookmi sah kerhiɗee ɗe ? »

Raak Yeesu neeheeɗa ŋ lecmaŋ gaala, a ooɓpa tiknukoha ŋ hafiŋ ɗe ; taalubeeciŋ ɗe yunnda ɗe, woosa ɗe ne : « Jangɗohohi, sooƴi ɓoo na sooƴe wii, tumɗi ɗa in e ? »

A woyissa ɓa ne : « Markissaat baahiɗ ini ɗu na kerhe ! Inhaat ne, ɓeesohaani ɗu na ɓeesɗohohe, weɗ ɗu ɓeesɗohsan, ƴut ɗah, ɗu ɓaatu.

Yeesu woyissa ɓa ne : « Nguuriŋ-Kooh mand na inii : A nikee ɓo', a sokka tisoh ŋ yohon. Ƴutta, a taalndiɗta, wek reesa ɗah a neehe, noh ɗah a kuruk. Tisoha paarra po wa yakka te a inahɗi findi wa kaɗoh po wa hennda ɗaa.

Ɓo' nu raak nof kerhoha ɗah, a kerhaat. »