Popular Bible Verses from Luk 3

Share

Ŋ jamanoona Yahya ɓoktohee ɓooɓa jen, Yeesu nammba ɓoktu. Wa a na kiime Kooh, Eel ci rangsukka, Fuuɗsi Hoolohngaani, Fuuɗsiŋ Kooh yipukka nga ɗe, ŋ mandohaaɗ banuut. Hooso kerhukka ŋ Eel ci an : « A fu kuɓkiŋ ngo ŋ waaɗ keeh-keeh te ŋ neɓuuɗ nga ɗa lool. »

Yahya loffa ɓa jen ne : « Mi na ɓoktee ɗu na masuɓ, waaye raakiɗ ɓoyi na haye yi uup po nik kilifa, te ŋ yeyyooɗi nik ñaamiŋ ɗe ne ŋ toksiɗee ɗe ñafaɗ ciŋ ɗe. A yi, a ɓoktohan ɗu Fuuɗsi Hoolohngaani, na yongkaah.

Tumohaaɗ ciŋ ɗu baahaat, wa teeɓoh ne ɗu ɓoƴsohiɗ pesohaaɗ, te kinaat ɗaar rek ɗu woyee ŋ ɗooƴ ɗu ne “ Ɓoo rimkoh ŋ Ibrahiima. ” Ñam na woyee ɗu ne atoh cii, Kooh miniɗ pulɗiɗ Ibrahiima kuɓu nga ca.

Ɗiski wa nik ndii, kiw ki ƴutiɗ ne wa giing tas kidig, te waa nu raakɗi rim baahiɗ ɗah, wa hey ƴoɓse wa njafu ŋ yongkaaha. »

Wa raakohha ɗaa findi wa fiisohu ŋ teerndiŋ woosuuɗi Esayi an : « Hooso wa ɗaa leehuk ŋ nduufa ne : “ Haɓɗaat waasiŋ Heɗ ɓoo, haɓɗiɗaat ɗe waas ciŋ ɗe jen, ca yurah. Oon ci jen hey uumbse, tangooci na tund ci jen hey girtasse, waas ci nduuɗkiɗ ci hey yurhiɗasse te ci raak atoh hey luhtasse. Ɓooɓi jen hey hote findi Kooh na mucɗohohe. ” »