Popular Bible Verses from Pula 2

Share

Kooh kerahha ca, a naandsukka ambtiɗohiŋ ɗe na Ibrahiima na Isaahha na Yaŋhooɓa. A marakka ŋ Israayel ca, a inahha ini ɓa nikoh.

Musaa nikka ŋ Majaan in maañiɗ po buuraŋ Misra ŋ jamanoonaam kaannda. Israayel ca rissa ŋ ñaam kaŋ ɓa, ɓa iineeɗa, ɓa leehkeeɗa ; leehuk caŋ ɓa ne ɓa naafu, reesa ŋ Kooh.

Wa kuɓka omb, a wikka kuɓkiŋ Firawnaana ɗe, yeem tummba ɗe kuɓkiŋ ɗe ; a woosa ne : « Ini ŋ nihsoh ɗe ŋ masuɓ tahiɗ po ŋ teekan ɗe Musaa. »

Kuɓkiŋ Firawnaana woosa yeem ne : « Ɓayaa ɗe, fu ɓapɗiɗee so ɗe, ŋ hey ɗa wirnde. » Ɓitɓa ɓayya ɗe, a ɓapɗeeɗa ɗe.

Wa degga ƴissuut, kuɓkiŋ Firawnaana ɓitɓa kaɗta ɓookka ŋ kala, huntoh caŋ ɗe ɓitiɓ ca tiindsukeeɗa ŋ sereendaŋ kala, a ƴokka pañe ŋ ɗooƴ paangiica, a woossa ñaamaŋ ɗe ɓitɓa wa, a ɓayyaa.

Wa Musaa nik yakak, a kaɗta marka ɓaah caŋ ɗe Heber ca ; a hotta pangka ɓa degu, na findi wa miskoh ! A nammba hot ƴaar ɓaah ŋ ɓi Misra laɓeeɗa ƴaar Heber laɓ miskiɗ. Musaa marakka ndeem jen, a hotɗi ɓo', a laɓpa ƴaara genee Misra, a appa ɗe, a uummba fiɗaafiŋ ɗe ŋ merhey mi.