Popular Bible Verses from Romaƒuɔ 14

Share

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo. Ɔsika ukyuli ɔni mɔɔbla Kristo kabla na ulu ɔmɛni lɛlɔ ni, ɔɔyɔ́ Katɔti kaƒɔ na bekyuli lɛnɔ baabu-nwu.

Si buli ngba ni, bulie bute Blɔti. Na si búkpi lɛnɔ ni, búkpi búte Blɔti. Anwuɔsu si buli o-o iye búkpi o-o ni, Blɔti ɔdi kani na bɔdi.

Anwuɔsu bɛya na bɔkya ɔkplu biala na bɔbla lɛla lɛni muuboku bekyuli keyi buɛɛ na lɛɛyá na bekyuli baalɛ́ lili na kɔyu kemmo.

Ɔmmɔ ɔsu bɛya na bɔda lɛlɔ kɔtɔ bɔdu bɔya. Mmomu bɛlɛ ugyii ka bɛɛɛdubo lɛla lɛdi bɔbla na lɛbala ɔdi bɔƒɔtaadi ulu na wetulo na weduo likpidi kemmo.

Ɔsika bénweni banii, “Blɔti ɔnini, ‘Ka lɛnya nli ngba mɛni ni, mɔɔsu-mii kpakplaa ka ɔdi biala ɔdubɔlɛ-mi akɔnkɔ kalɔ. Na ukyuli biala ɔdubɔkɔliku Katɔti lɛnyi katɔ.’ ” Anwuɔsu ni, bula akɔ ɔdi biala ɔdubɔbu nwuna ngba nkunta bute Katɔti.

Bigyingya enu na bɛƒɔ bina bakpana bani bɔƒɔtaadi nátayu tɔ ɔkplu. Bitakyaku-ma unyeƒi na ala ani lɛlɔ na amii ku-ma kasusu kátabla kenwi lɛlɔ.

Kenyekɔ kamani na ebo na aatɛku ukyuli ɔdi kabla ɔblane litemi? Nwuna unwoti ɔlati ndubɔnu bɔti si unye ute-nwu kpakplaa iye uuunye. Na kabla ɔblane ɔmmɔ lɛnɔ ɔdubunye kpakplaa, ɔsika Blɔti ɔdubɔkana na ɔya na unye ute-nwu kpakplaa.