Popular Bible Verses from Romaƒuɔ 10

Share

Na si ébimi kenye na ásu anii Yesu ndi Blɔti, na áƒɔ ádi na ƒula kayi kemmo ka Katɔti nágyila-nwu ɔ́lɛku kekpine ni, Katɔti ɔdubɔƒɔ-ɔ ngba.

Ɔsika ƒula kayi kemmo na aaƒɔ́ taadi na aabla siin na Katɔti anumi. Na ƒula kenye kani na éti eedie ɔmɛni taatina, na aakɛ́ bɔƒɔ.

Anwuɔsu ni, bɔƒɔtaadi bunye litemi lɛmmɔ bunu lɛlɔ. Na litemi lɛmmɔ bunu lɛkɛnku Kristo litemi lɛlɔ.

Ɔsika lɛni na Bunweni Kedee Ɔku ɔ́su ɔnii, “Ukyuli biala ɔni maƒɔ-nwu madi ni, kɔƒa kulékpo-nwu kudii.” Ɔmɛni ɔɔtina ka ni, kavumana kadi keeebo Yudaƒuɔ ku bani naaadi Yudaƒuɔ ntɛ. Na Blɔti ɔdi bula ƒui Ɔti, na uute bekyuli bani ƒui mɔɔkpali-nwu ala abuni. Lɛni na ɔkya Bunweni Kedee Ɔku kemmo ɔnii, “Ukyuli biala ɔni mɔɔkpali Blɔti lɛnyi ni, ɔdubɔkɛ bɔƒɔ.”

Na si bátatala bekyuli nɔɔ? Dɛ na ɔdubɔbla na bakɔ lɛsa lɛmmɔ? Anwuɔsu na bénweni banii, “Binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti!”

Nsu ukyuli biala ɔni na útaƒɔ útadi ni, dɛ na ɔdubɔkana na ɔkpali-nwu uvele lɛla lɛdi? Na ukyuli ɔni lɛlɔ lɛsa na bátakɔ bétete-ma kudii ni, dɛ na badubɔkana na baƒɔ-nwu badi? Na si ɔdi útatákɔ lɛsa lɛmmɔ útete-ma dii ni, dɛ na badubunu-ni?

Ɔsika Kristo ndi Mose ɔda bubo bɔmmɔ ƒui kawɔlɔkɔ. Na ukyuli biala ɔni maƒɔ Kristo madi ni, ɔ́bla siin na Katɔti anumi.