Popular Bible Verses from Budie Taatina 5

Share

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.

Na katɔ batu bamɛni bédie ɔnu ku lɛdi momoomo banini, “Awɔ ndi Koƒonu Ubi ɔni na béti bákpa. Na ámanku éte ɔyikun ku lɛlakɛ ku lɛnunda ku ɔlɔkplu ku ɔbu ku bumwi ku linugya.”

Awɔ nábla-ma bénwini baga ku bakpane bani mɔɔkpanku bekyuli teeboku bula Katɔti. Na badubɔdi lɛga na kalɔ lɛlɔ.”

Na línu ka ala ani ƒui na Katɔti údie na katɔ ku kalɔ ku kekpine ku ɛpu ku kayawi beedie ɔnu banini, “Linugya ku ɔbu ku bumwi ku ɔyikun na beete anwu ɔni nlie lɛgaboku lɛlɔ ku Koƒonu Ubi ka ɔ́si ɔƒɛni úsela ƒui.”

Amu na benengu bammɔ akɔ unwi ɔ́su-mi ɔnini, “Sɔ tewulo. Nu! Yesu ɔni baalɔ banii Gyata ɔni nási Yuda kaba kemmo na ɔdi Dawid Kugyii Ugyiitu ni, ɔ́di lɛlɔ. Anwu námanku ka ɔƒɛnimi kɔma kɔni na béti bábala ekpo maatɛ ammɔ.”