Popular Bible Verses from Budie Taatina 22

Share

Ami ndi Alƒa ku Omega, Udeedi ku Ukplodi, Kalɔ Kesekɔ ku Kawɔlɔkɔ.

“Bɛnu! Ami Yesu ndubo uwi klukui! Na ndanku lɛyuƒɔla lɛni námanku kabla biala ndububoku, na mbaƒɔ ɔdi biala kayu na lɛla lɛni na ɔ́bla kenye.

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

“Lɛlɔ lɛdubɔyɔ bekyuli bani náklibi lɛlɔ bése aani kalɛ na baaƒɔ lɛwu sɛɛn. Ama ndubɔkɛ kuƒi ka badi kugyii kɔni muute ngba mmɔ ebi. Na badubɔsia kayakun mmɔ beduo Katɔ Ɔga Ɔma ɔmmɔ kemmo.

“Bɛnu! Ami Yesu ndubo uwi klukui kemmo! Na lɛlɔ lɛdubɔyɔ ukyuli ɔni mada linyese lɛmɛni etemila ani nkya ɔku ɔmɛni kemmo.”

Lɛdisa lɛsɔ lilakya mmɔ. Na baláwia bukeye bɔdi taasiku asogya iye ɔƒɛ kudɔ, ɔsika Unwoti Katɔti ɔlati ndi bana bukeye na badubɔdi lɛga usela uwi ƒui.

Yesu ɔni muudie ala amɛni kenye ni, ɔ́su ɔnini, “Ɛɛn, ndubo na uwi klukui kemmo!” Amu na ami lɛnɔ lɛ́tuna nnii, “Ɔsia lɛni. O Blɔti Yesu, bo!” Muuvele nnii lɛƒɔndia lɛni nási Blɔti Yesu kudɔ lɛsiaku Katɔti bekyuli. Ɔsia lɛni.

Mɔɔlɛ ukyuli biala ɔni muunú kenye kani na Katɔti údie na ɔku ɔmɛni kemmo ka si úti lɛla lɛdi úbunku ala amɛni lɛlɔ ni, Katɔti ɔdubɔya na ɔgbankpi ɔni lɛlɔ kɔtɛ na bɔ́tɛmi na ɔku ɔmɛni kemmo ubo-nwu lɛlɔ. Na si lɛla lɛdi na ɔ́da údie na kenye budie ɔku ɔmɛni kemmo lɛnɔ ni, Katɔti ɔdubudie ukyuli ɔmmɔ kadikɔ na ngba kugyii kɔmmɔ ebi lɛlɔ. Na ɔdubutile-nwu kuƒi ka uduo ɔma kedee ɔmmɔ kemmo na katɔ.