Popular Bible Verses from Agba 3

Share

Ti ƒula anu ku kayi ƒui sia Unwoti lɛlɔ. Na teti anu tasia awɔ ɔlati ƒula ala kalɔ bunu lɛlɔ. Nu-nwu ti na ƒula lilu ƒui lɛlɔ, na ɔdubɔtɔnku-ɔ na ƒula kasiakɔ ƒui.

Ƒula anumi atatɔlɔ-ɔ na anu lɛlɔ ɔnundane. Mmomu yia Unwoti na enwini kama akya likpidi.

Ti ƒula lɛkɛ teemwi Unwoti. Na eti ƒula edula biala ebi edeedi ete-nwu. Ɔdubɔya na ƒula linwu liyi ku edula abuni na akpambui lɛnɔ eyi ku ntɛ mini mini.

Tanyonu lɛƒɔndia bɔbla ku litemi kama bɔsiaku siin. Ti ala amɛni bo bala ƒula limɔ na aya na akɛ keliekɔ na ƒula kayi kemmo.

Mina ubi, teni si Unwoti ɔɔní-ɔ kɔtu ka ɔklibi-ɔ. Na utekpoku-ɔ si ɔɔdɔnku-ɔ lɛnɔ. Ɔsika bekyuli bani na Unwoti ɔɔyɔ́ ni, ama na ɔɔlɛ kpakplaa aani kalɛ na ubi ɔti ɔdi ɔɔní ubidi ɔni na ɔɔyɔ́ kɔtu.

Mina ubi, tayiƒala ala ani na lɛ́tina-a. Mmomu da mina ɔda bubo kya ƒula kayi kemmo. Ɔsika ɔmmɔ ndubɔya na elie ngba gyɔlɔɔ na ala adianku-ɔ na keyi kayɔku-ɔ.

Lɛlɔ lɛdubɔyɔ ukyuli ɔni nákɛ lɛnunda na uunú ala kalɔ. Ɔsika ubo kɔsia utulo sika ɔƒualadi. Na nwuna lɛkɛ litulo sika ugyiedi. Lɛnunda lɛ́ƒɔ kuye litulo asɛɛ ebi ani náƒɔ kuye geen muedi. Na lɛla bamba lɛni na ukyuli ɔɔwia lɛdi lítaƒɔ kuye liiitulo ɔmɛni.

Teni lɛbuni bɔbla bute ukyuli ɔni mɔɔwia-a kebunku si ánu ka ébo ɔyikun ɔmmɔ.

Lɛnunda na Unwoti úti ɔ́kya kalɔ kammɔ ɔka kalɔ. Na ala kalɔ bunu na úti údie katɔ ɔ́ƒala kayaa.