Popular Bible Verses from Ƒilipiƒuɔ 4

Share

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Na Katɔti ɔni muute keyi buɛɛ bɔni ntulo ɔyawine kalɔ bunu ɔdubɔgyumana bina kayi ku kasusu ƒui ɔni na biliku Kristo Yesu.

Na ukplodi ni, banwa, biti bina kasusu bɛsia ala ani ndi etemila geen lɛlɔ ku ala ani mbo ɔbu ku ala ani nse siin ku ala ani nse sɛɛn ku ala ani mɔɔdia bɔnu ku ala ani náƒɔ lɛnyi ku ala ani ndia geen ku ala ani námanku bumwi lɛlɔ.

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Na mɔɔsu-mii nnii bɛya na lɛlɔ litaayɔ-mii na Blɔti kemmo. Na nsɔ mɔɔsia kama nnii bɛya na lɛlɔ litaayɔ-mii.

Na mina Katɔti ɔdubute-mii etela ani ƒui bɛɛwia ɔkɛnku Kristo Yesu lɛkɛ ku bukeye kemmo.

Biti mina ɔbladu ku mina etemila ani ƒui na bínu na bɛ́tɛya bɛsiku-mi kudɔ bɛkya kabla bɔbla kemmo. Na Katɔti ɔni muute keyi buɛɛ ni, ɔdubulieku-mii.

Bɛya na ukyuli biala ɔnu ɔti kalɛ na bɛda lɛlɔ buɛɛ. Ɔsika Blɔti bɔsɔ bubo bɔmmɔ búude.

Na ngyi kalɛ na lɛwaba ku lɛlakɛ lise na lɛla biala kemmo. Na lɛ́tɛya lɛbɛla lɛni mɔɔtina-mi kalɛ na lɛti lɛlɔ bɔda na kesii biala ku uwi biala kemmo. Na kɔka kemmo o-o, bumo o-o, lɛkɛ o-o, iye ayaki kemmo o-o ni, nnye nte ana ƒui.

Na ɔɔɔdi bɔsu na mɔɔsu nnii mɔɔyaki lɛla lɛdi, mmomu ka lɛ́tɛya kalɛ na lɛla biala na lɛ́kɛ liduku-mi ɔsu.