Popular Bible Verses from Bumomo Bɔka 14

Share

Na bɔta kani na bitata bitenye Unwoti lɛlɔ. Na bitaya na liƒu lɛdi lɛda-mii na bekyuli bani nkya kalɔ kammɔ kemmo lɛlɔ ɔsu. Ɔsika basɔ beeebo bɔgyumana bɔdi, nsu Unwoti uli ku abu na bɔdubo-ma bubweli. Anwuɔsu bitayia!”

‘Ami Unwoti ndi Katɔti ɔni mɔɔnu kɔnyana, na mɔɔbla lɛƒɔndia uwi ƒui, na neeeti kɔnyi pla pla. Mmomu mɔɔyɔ́ mina bekyuli na muuti bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.’

Na bɔɔsu-mii ka si ɔ́yɔ Unwoti kaƒɔ ni, ɔdubɔtɔnku-bu na butéduo kalɔ kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na kabla bula kadi.

Nsu ka mina kabla ɔblane Kaleb anwu úbo kɔyu kɔni návumana na úti nwuna kayi ƒui ɔsiaku-mi kama ɔsu ni, ndubuti anwu ku nwuna kaba bekyuli na betéduo kalɔ kammɔ kemmo na badubo kalɔ kammɔ ala bɔdi.

Anwuɔsu kɔ lɛsa na asu-ma anini, ‘Ami Unwoti nnii na ami ɔni nli ngba mɛni anumi ni, lɛla lɛni na línu lɛ́siku-mii kenye kemmo mɛni na ndubɔya na lɛlɛku-mii.

Amu na Unwoti úye Mose ɔnini, “Na akɔla ala lidu lidu lɛni na lɛ́bla na bekyuli bamɛni anumi kama ni, uwi ɛlɛ na badubuni-mi bétédu, na baláƒɔ-mi baladi, na bataata teenye taanu-mi anumi lɛni?

Na ɔkɛnku ɔmmɔ ɔsu bekyuli bammɔ bákya baadɔnku Mose ku Aaron kalɔ kalɔ. Na baasu banini, “Si bukpi na búkpi bɔ́kya Egyipte iye ketele kalɔ kakwiidi kemmo mmɔ muedi nka ɔdia utulo!

Na Nun ubidi Yosua ku Yeƒune ubidi Kaleb bani mbunku bekyuli bani nésie bátávi bánu kalɔ kammɔ báni bana lɛwu bábwɛ. Na básu Israelƒuɔ bammɔ ƒui banini, “Kalɔ kani kemmo na bútávi bɔnu mmɔ kadia geen sɔsɔ.

Nsu mɔɔsu geen ka ni, ami Unwoti ɔni nli ngba na mina bukeye bɔ́ƒɔ kayawi ƒui mɛni ni, bekyuli bani nánu mina bukeye na bánu mina akɔla búdie taatina lidu lidu lɛni lɛ́bla na Egyipte kalɔ lɛlɔ ku ketele kalɔ kakwiidi kemmo, nsu báta benye mina litemi lɛlɔ na bákɔku-mi bánu leevu sɔɔn ni, bana kemmo ɔdi biala ulanu kalɔ kani líse kenye ka meti mete bana bati kuuku mmɔ. Na ukyuli biala nétenu-mi litemi na ɔbu-mi uleduo mmɔ.