Popular Bible Verses from Mateo 10

Share

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Na ukyuli biala ɔni mɔɔwia ka ulie ngba ute nwuna lɛlɔ ni, ɔdubɔyila-mu. Na ukyuli ɔni nányonu nwuna ngba na ɔsiaku-mi kama ni, ɔdubɔkɛ ngba geen.

Bitayia bekyuli bani na ɔlɔna kani na badubɔkana bɔdu na balakana ukyuli kɔyu aku bɔdu. Mmomu bɛyia Katɔti ɔni ndubɔkana na ɔdu ukyuli kɔyu ku ɔlɔna na lɛgyavonku kemmo.

Ukyuli biala na ulayɔ ka ɔsiaku-mi kama na ubo abi aani ami kalɛ ni, útamanku ka ɔbla mina ɔtɛyane.

“Si ukyuli ɔdi udie lɛlɔ kenye na kadi anumi ka ɔdi mina ɔdi ni, ami lɛnɔ ndubudie-nwu kenye na mina Ɔti anumi na katɔ. Nsu si ukyuli ɔdi úni-mi na kadi anumi ni, ami lɛnɔ ndubuni-nwu na mina Ɔti anumi.

Bɛbwi balɛne na bɛgyila bekpine. Bɛbwi bani muuƒi ɔlɛgyie, na bɛgya ayu ekpidi. Bíteye ɔyikun ɔmɛni na mina kudɔ, anwuɔsu amii lɛnɔ biteti bitadi kuye.

Anwuɔsu bitayia, ɔsika bɛ́ƒɔ kuye bítulo baasɛ pii.

“Bitakali bɛnii mina bubo búti keyi kayɔdi búboku kayawi. Oowo! Bekyuli badubɔdɔ na ami ɔsu!