Popular Bible Verses from Yeremia 7

Share

“Uwi ɔni na lɛ́kpanku bina bati kuuku lɛ́lɛku Egyipte kalɔ lɛlɔ ni, ńtebo-ma ɔda ɔdi nnii babla akpala adi bete-mi lɛti. Mmomu bɔsu na lɛ́su-ma lɛnɔ ndi, ‘Si bínu-mi litemi na bɛ́bla bɛ́siaku ala ani na lɛ́su-mii lɛlɔ ni, ndubɔbla bina Katɔti na amii bɛbla mina bekyuli, na lɛla biala lɛdubɔtɛ lite-mii.’

Nsu bina bati kuuku béni na bétenu-mi litemi. Bábla atuɔkplu. Na si ami líti-ma mɔɔsiaku ulu ɔdi ni, na ama beti ɔbambadi.

Ndubɔya na bɛkɛ bɔƒɔ si bɛvumana udu na bɛɛnu bina lɛlɔ kɔnyana na bɛɛbla ala ulu lɛlɔ siin na bɛɛtɛmi litemi geen. Bɛda kasiakɔ bɔkɛ na baƒɔ ku bekpinebi ku bekpinele lɛlɔ bɛya. Na bɛda bekyuli bani na bátabla-mii lɛla lɛdi bɔdu bɛya. Na bɛda baƒiɔ bɔkpa bɛya. Na ndubɔya na bilie ngba gyɔlɔɔ na kalɔ na líti líte bina bati kuuku mɛni lɛlɔ.

Unwoti ɔ́su-mi ɔnii nsɔ nnye nwuna kakpakɔ kayakun kenye na lɛsu bekyuli bani muuduo ɔtɔ ɔmmɔ kemmo ka anwu Unwoti Ɔyikune Ƒui Israel Katɔti ɔnini, “Bise atu na binu, amii Yudaƒuɔ! Bɛvumana bina ulu ɔni lɛlɔ na bɛɛsia taabla ala. Na bise kalɔ biteelie ngba bɔbuni. Ɔmmɔ ndubɔya-mi na lɛya bɛsɔ bilie bina kalɔ kamɛni lɛlɔ biteesie.