Popular Bible Verses from Yeremia 3

Share

Na ndubɔƒuna batɔnkune bani náda anu na baabu-mii lite-mii na banu-mii lɛlɔ aani baƒonu badane babuni kalɛ.

“Ndubo-ma bɔsu nnini, ‘Binwini bibo na lɛbwi-mii, na kalɛ na bɛ́lɛ-mii kama ɔsu.’ “Na mmɔ na badubɔsu banini, ‘Bɔdubunwini bubo, ɔsika awɔ ndi Unwoti bula Katɔti.

Yeremia, nwini kenye sienku kalɔ kammɔ katɔ kakɛ na ebo kudu momoomo anini, ‘Israel, ami ndi bina Unwoti binwini bibo-mi kudɔ! Bɛ́lɛ-mi kama na bɛkya-mi kɔnyi geen. Nsu mɔɔnu kɔnyana ɔsu ni, ndubuti lɛkyiɛ-mii.

Bɛtuna ka bɛ́ta bínye-mi lɛlɔ, na bɛkpa baƒiɔ bamba na egyii enengudi ƒui kalɔ na kesi kesii. “ ‘Bɛdi bebi bani naaasiaku-mi kama siin, nsu ami mbo-mii. Binwini bibo ɔma! Ndubuti bina akɔ unwi iye inyɔ bɔsiku bina lɛma ɔdi biala kemmo ku adua ammɔ kemmo buboku Sion.