Popular Bible Verses from Yesaia 11

Share

Na Katɔti Kɔyu kɔdubɔƒɔ-nwu lɛlɔ kemmo ƒui, kɔyu kɔni ndanku lɛnunda ku ala kalɔ bunu kakwɛ ku ɔyikun ku lɛlati ku Katɔti bɔyia. Nwuna lɛƒɔyɔ ndi ka bekyuli ƒui beti ɔbu ku bɔyia bete Unwoti. Na ɔɔɔdubo anumi bɔnu bɔtɛ litemi, iye unu bekyuli litemi ɔtɛ lɛla lɛdi.

Yese kaba kemmo ligyukui lɛdi lɛdubɔta, na nwuna ugyitu ɔdubudie kagba na kanwu ebi.

Mmomu ɔdubɔtɛ litemi siin bute bawabane na ukulo litemi kemmo ulu geen ɔmmɔ lɛlɔ ute kalɔ kamɛni lɛlɔ bawabane. Nwuna kenye litemi na ɔdubuti ɔni bekyuli kɔtu aani lɛbuala na ɔyila-ma udu.

Na ala bɔbla siin ndi kadii kani ndubɔda-nwu kavobi, na litemi geen lɛlɔ bɔdi ndubɔdi lɛduni lɛni nda-nwu lɛmana.

Ɔdi ɔsɔ ulabla ɔkpanadi kalala, na basɔ baládu lɛlɔ lɛnɔ na mina kɔbi kedee lɛlɔ na Sion mmɔ, ɔsika kayawi bekyuli badubɔƒɔ-mi na bati ami bana Unwoti geen aani kalɛ na ntu bɔɔƒɔ́ ɛpu kemmo tɛtɛɛtɛ.

Na limeyi lɛmmɔ lɛlɔ ni, kegidi ku koƒonu badubɔtɛ liku linwi, na ebuoƒuala ku ese besie bavi kpɛtɛ kpɛtɛ. Na ɔmantɛ bakɔ bebi ku bebuo bamba bani bebi nétedu tɔ lɛkwa linwi badubusie bavi bagyata ntɛ. Na ɔnamu blii kani ndubɔtɔnku bana ƒui.

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.