Popular Bible Verses from Israelƒuɔ Bɔlɛ 9

Share

Nsu kasusu kamɛni geen ɔsu na líse-ɔ lɛga kalɛ na lɛtina-a mina ɔyikun na bebo-mi lɛnyi kudu bete kayawi bekyuli ƒui.

Amu na Unwoti ɔ́su Mose ɔnini, “Sie na atásu Ƒarao anini, ‘Lɛni na Unwoti ɔni ndi Hebriƒuɔ Katɔti ɔɔsu, “Te kuƒi na mina bekyuli batɔlɔ na besie batákpa-mi.”

“ ‘Ɔsika úti úbalɛ ɔƒaani ni, lɛkana na nka lidie kɔnu na lɛya na ɔgbankpi ubo bina ƒui bammɔ lɛlɔ na lɛyila-mii udu lidie kalɔ kammɔ lɛlɔ ƒui.

ndubɔya na ɔlɛ ukpidi ɔdi uduo bina bebuo akɔ na ɔdu bina baƒlumu ku ɔmantɛ bakɔ ku bapɔnkɔ ku baƒonu ku bese ƒui. Nsu Israelƒuɔ bebuo ama ni, ami Unwoti ndubɔya na bana akɔ ɔdi ulekpi, na kavumana kakya Egyipteƒuɔ ku Israelƒuɔ ntɛ.’ ”

Anwuɔsu kɔnaadi ɔƒɛni kalɛ ni, ndubɔya na etubankɛ ku ɔƒɛƒɛɛ kpakplaa ɔni udu nétebo tɔ na Egyipte kalɔ lɛlɔ ubekpo. Ɔmɛni ɔsu bo ƒula bekyuli ƒui ɔda na beti bana lɛla biala ku bana bebuo bani nkya alakpi akɔ bakya ɔtɔ. Ɔsika etubankɛ adubo bɔna na ukyuli iye ebuo biala makya alakpi akɔ ɔdubo bukpi.’ ”

Na ɔdubunwini aani ɔtumu na ɔƒɔ Egyipte kalɔ kayaa ƒui. Na ɔtumu ɔmmɔ ɔdububoku eƒula na aƒɔ bekyuli ku bebuo ƒui lɛlɔ na kalɔ kammɔ kemmo.” Anwuɔsu Mose ku Aaron bétédie ntɔ bɔmmɔ básiku asi kemmo na beténye Ƒarao anumi. Mmɔ na Mose úƒwi ntɔ bɔmmɔ ɔ́kya kayaa na bekyuli bammɔ ku bebuo ƒui lɛlɔ lɛ́ƒɔ eƒula kede kede.