Popular Bible Verses from Israelƒuɔ Bɔlɛ 2

Share

Na Katɔti únu bana budumo na únyimo bunyimi bɔni na únyimi ku Abraham ku Isak ku Yakob. Anwuɔsu Katɔti ɔ́nu kalɛ na Israelƒuɔ beebó abi, na litemi lɛmmɔ líkpoku-nwu.

Akwa pii adi kama ni, Egyipteƒuɔ ɔga úbekpi. Nsu Israelƒuɔ bamu bakya bana lɛbibo kemmo. Ɔmɛni ɔsu béwulo bévele Katɔti ka ubedie-ma ɔlɛku bana lɛbibo kemmo.

Amu ka ubiwɔ ɔmɛni ɔ́lɛ lili blii ni, uleku ɔmmɔ úti ɔnamu ɔmmɔ úsienku ɔga ubidi ɔmmɔ, na úti-nwu ɔ́bla ubidi na ɔ́sia-nwu lɛnyi ɔnii Mose lɛni kalɔ ndi “Lídie ubi ɔmɛni lɛ́lɛku ketu kemmo.”

Amu na ɔga ubidi ɔmɛni ɔ́su uleku ɔni bátálɔ mmɔ ɔnini, “Ti ubiwɔ ɔmɛni na eteete-nwu lɛnyii teete-mi, na ndubuteete-ɔ lɛyuƒɔla.” Anwuɔsu uleku ɔmɛni úti ubiwɔ ɔmɛni na uute-nwu lɛnyii.

Uwi ɔmmɔ kani na Ɔga Ƒarao ubidi ulekubi úsie ketu mmɔ ɔnii utákpi. Na ka ɔkya ɔɔkpí ni, nwuna bebunkune lɛnɔ bakɛ ketu amadɔ mmɔ. Amu na kɔnakunwi Ƒarao ubidi ɔmɛni ɔ́nu kagyigyɛ kamɛni na livo lɛmmɔ akɔ na ɔ́tala nwuna belekubi kabla bablane bammɔ unwi ka utágyu-ka uboku-nwu.

Uwi ɔni na Mose ɔ́ɔlɛ lili ƒui kama ni, limeyi lɛdi úsie kesii kani na nwuna bekyuli bakya, na ɔ́nu kabla kpakplaa kani na baabla. Mmɔ ni, ɔ́nu ka Egyipteni ɔdi ɔkya uubó Hebrini ɔdi ɔni ndi anwu Mose lɛlɔ ukyuli. Amu ka Mose ɔ́tɛ anu ɔ́mana ni, ɔ́nu ka ukyuli ɔdi uuude mmɔ. Amu na úƒie Egyipteni ɔni nébo Hebrini ɔmmɔ na úbo-nwu ɔ́du. Na úti-nwu ɔ́bɛla lɛti kemmo.