Popular Bible Verses from Eƒesoƒuɔ 5

Share

Ka bɛdi Katɔti bebi bani na ɔɔyɔ́ ɔsu ni, amii lɛnɔ bɛkya ɔkplu na bɛlɛ-nwu. Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Anwuɔsu bɛnu lɛlɔ kemmo kaduɛ na bɛti kalɛ na biti bilie ngba. Bitelie aani bekyuli bani nátada anu. Mmomu bilie ngba aani bekyuli bani náda anu. Bɛda bina lɛlɔ kaduɛ, ɔsika likyulikpi ala bɔbla bɔ́ƒɔ uwi ɔni kemmo bɔkya mɛni.

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui. Na biti Bunweni Kedee Ɔku kemmo lɛnu etemila bɛtɛmiku lɛlɔ, na bidie bɔƒɔtaadi lɛnu ku lɛnu lɛni ndanku Katɔti Kɔyu ala. Bɛtu lɛnu ku agyala biti bimwi Blɔti na bina kayi kemmo. Na bɛgya Katɔti ɔni ndi bula Ɔti enu na Blɔti Yesu Kristo lɛnyi kemmo uwi biala na lɛla biala ɔsu.

Ɔmɛni ɔsu ni, bitabla lɛlɔ aani bekyuli badɔlɔdi. Mmomu bɛwia na bɛti ala ani geen na Blɔti ɔɔyɔ́ ka bɛbla.

Bagya, amii lɛnɔ bɛyɔ bina beleku aani kalɛ kani na Kristo ɔ́yɔ baƒɔtaadine lɛkpa lɛmmɔ ɔsu na úti lɛlɔ ɔ́kpa na bana lili.

Ɔsika kudeedi ni, na bɛkya lɛdisa kemmo. Nsu ɔƒɛni ka bínwini Blɔti badi ɔsu ni, bɛkya bukeye kemmo. Anwuɔsu bilie ngba aani bekyuli bani nlie bukeye kemmo.

Na biboku lɛlɔ kalɔ bite bina lɛlɔ na kalɛ na bɛɛbu Kristo ɔsu.

Amii beleku biboku lɛlɔ kalɔ bite bina bagya aani kalɛ na biiboku lɛlɔ kalɔ teete Blɔti.

Nsu ni, akɛnku amii lɛnɔ lɛlɔ. Anwu ndi ka ɔlɛka ɔgya biala ɔyɔ ulekudi aani nwuna lɛlɔ, na uleku biala lɛnɔ ɔbu ɔgyani.

Bunweni Kedee Ɔku ɔɔsu ɔnii, “Ɔmɛni ɔsu na ɔnana ɔdubɔmami ɔti ku uni lɛlɔ na uti lɛlɔ utámana ulekudi na bana inyɔ badubɔbla ɔlɔna unwi.”

Amii ku bekyuli bani na bana ablala akya lɛdisa kemmo ni, bitasala lɛlɔ bitabla bana ɔbladu ukpidi ɔdi. Mmomu bidie-ma keyi.