Popular Bible Verses from Etemila 7

Share

Tataababla ku kɔnyi buti na ƒula lɛlɔ kemmo. Ɔsika badɔlɔdi lɛgba akɔ na kúti-ɔ kúsela kutálɛlɛ.

Si ala aatɛku ukyuli ɔdi ni, lɛlɔ lɛyɔ-nwu. Na si bubie na ala eebieku-nwu ni, na ulie kalɔ na uye lɛlɔ lɛla lɛni kudɔ na ɔ́si. Ɔsika Katɔti nábla alakpa anyɔ ammɔ kalɛ na ukyuli ɔsia lɛlɔ anu ka ɔɔɔgyi lɛla lɛni nsɔ ndubo bɔlɛ ɔsu.

Litemi kawɔlɔkɔ kadia ketulo litemi kalɔ kesekɔ. Na kayi buɛɛ kadia ketulo lɛlɔ bɔtina.

Ukyuli ɔdi uuubo na banii anwu use siin na ɔɔbla lɛla biala kaduɛ ɔsu na ulábla likpidi lɛdi na kalɔ kamɛni lɛlɔ.

Ɔsika lɛnunda lɛdubudie-ɔ na lɛla biala kemmo aani egulabi. Na lɛlati ku kasusu buni kadubo-ɔ bɔgyumana ngba uwi ƒui.

Lɛnyi buni bɔƒɔ bɔdia butulo nnɔmii ku ɔnyi ƒɛƒɛɛ. Na likpimeyi lɛdia litulo lɛwɔmeyi.

Ukyuli bɔdɔnku kpakplaa bɔdia butulo si badɔlɔdi beedie lɛnu teemwi-ɔ.

Na kekwa kalɔ busie bɔdia butulo ka esie limeyi buni kadikɔ. Ɔsika kukpi ndi ukyuli biala kawɔlɔkɔ ku kesiekɔ.

Ɔnundane kayi kaasia ala ani mɔɔlɛ́ na kɔnyana kewulokɔ lɛlɔ. Nsu ɔdɔlɔdi uuti nwuna kayi taasia ebiti kakɛkɔ ala lɛlɔ.