Popular Bible Verses from Timoteo 1 2

Share

Sɔsɔ ni, Katɔti unwi kani nkya. Na kɔnu ɔsiane lɛnɔ unwi kani nkya. Anwu ndi ukyuli ɔni baalɔ banii Kristo Yesu. Anwu mɔɔklibi abu ku Katɔti ntɛ. Anwu néti lɛlɔ ɔ́kpa na bayawine ƒui lili. Na Yesu ɔ́bla ɔmɛni na uwi ɔni lɛlɔ geen na Katɔti úse ka udie nwuna bekyuli bɔƒɔ keyi ɔtina bayawine ƒui.

Lɛla lideedi lɛni na mɔɔyɔ́ ka bɛti ndi ka bitaakpali katɔ na biteevele na bekyuli ƒui lili. Na biteeti amii ku-ma ƒui awiala taava Katɔti anumi. Na bitaakpali katɔ teete baga ku bekyuli bani ƒui mɔɔdi bekyuli lɛlɔ kalɛ na bula ƒui bɔkɛ atu bɔyɔ ku keyi buɛɛ. Na buboku lɛlɔ kalɔ bute Katɔti na buti ɔbu bute ukyuli biala.

Na baƒɔtaadine kasalakɔ biala ni, mɔɔwia ka banana bataakpali katɔ ku kayi kedee kalɛ na si Katɔti ɔɔnu bina enu katɔ ni, na ɔti ka bɛ́da lɛlɔ bídie likpidi kemmo. Na kɔnyi iye unyeƒi ɔdi uuubo-mii akɔ. Mɔɔwia lɛnɔ ka beleku banu kaduɛ na bana adala lɛlɔ, na batina ka beeboku lɛlɔ kalɔ. Ɔɔɔdi ka beteenyimi lili ku kunweni lidu lidu ku sika ugyiedi adala lidu lidu ani náƒɔ kuye na aatina ka baakɔliku lɛlɔ katɔ. Mmomu ni, bana ɔbladu ɔbuni udie-ma ɔtina aani beleku bani mɔɔsu banii basiaku Blɔti.