Popular Bible Verses from Yohane 1 1

Share

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Nsu si bɔkɛ na bukeye kemmo aani kalɛ na anwu ɔkya bukeye kemmo ni, ɔɔtina ka bɔɔdiku lɛlɔ kɔkpana. Na Ubidi Yesu ubugya ɔɔbla-bu lɛlɔ sɛɛn taalɛku ekpidi biala kemmo.

Si búni bɔnii bulábla likpidi ni, na bɔɔtɔ́lɔ lɛlɔ, na litemi geen lɛmmɔ lítaƒɔ-bu lɛlɔ kemmo.

Na lɛla lɛni na búnu bɔ́siku Kristo ɔmɛni kudɔ na ani na bɔɔyɔ́ ka budie kenye mɛni ni, ani ndi ka Katɔti ɔdi bukeye. Na lɛdisa lɛdi liiibo-nwu lɛlɔ kemmo na ulu biala lɛlɔ. Anwuɔsu si bɔnii abu ku-nwu bɔɔdi kɔkpana nsu bɔkɛ na lɛdisa ngba bukpidi bulie kemmo ni, na bɔɔnyi ɔkɔ na bɔɔɔsiaku litemi geen lɛmmɔ kama.

Nsu si búni bɔnii bútabla likpidi lɛdi ni, buudie-nwu taatina aani ɔkɔ ɔnyine, na nwuna litemi lítáƒɔ-bu lɛlɔ kemmo.