Popular Bible Verses from Korintoƒuɔ 1 6

Share

Bɛgyi nwaa ka ni, bina ɔlɔna ɔdi kakpakɔ ute Katɔti Kɔyu kɔni na Katɔti úti úte-mii na kulie-mii lɛlɔ kemmo. Ɔɔɔdi amii alati mbo bina lɛlɔ. Ɔsika Katɔti ɔ́ƒɔ kayu bonwu na bina lili. Anwuɔsu biti bina ɔlɔna bɛbla ala ani muute Katɔti ɔbu.

Na bɛgyi geen ka bekyuli bani mbo likyulikpi balákɛ Katɔti lɛga kadikɔ. Bitabu bina lɛlɔ kɔdɔlɔ! Ɔsika bekyuli bani mbo lɛyalɛ iye bani mɔɔkpá baƒiɔ iye baadi kɔsɔnɔ iye bani néti lɛlɔ kudɔ bɔtɛ bénwini liyedi iye banana bani mɔɔtɛnku lɛlɔ aani beleku kalɛ iye bani muuyú iye bani mbo lɛnungyie iye bani mɔɔní ntɛ teekpi iye beebile bekyuli anyi iye bani muuti bekyuli egulabi taadi ni, bana akɔ ɔdi biala uléduo Katɔti lɛga kadikɔ.

Bɛsɔ bitabla kɔsɔnɔ ala. Likpidi bamba udu biala na ukyuli ɔ́bla ni, lɛɛɛdanku nwuna ɔlɔna. Nsu ukyuli ɔni mɔɔdi kɔsɔnɔ ni, ɔɔbla nwuna ɔlɔna ɔlati likpidi.

Bina akɔ ɔdi ɔdubɔsu ɔnii, “Mbo kuƒi ka lɛbla lɛla biala.” Sɔsɔ na ɔdi. Nsu lɛla biala lɛɛɛdia liiite-ɔ. Lɛkana na lɛsu nnii, “Mbo kuƒi na lɛbla lɛla biala.” Nsu útalɛka lɛla biala lɛdi-mi lɛlɔ.

Katɔti ɔ́gyila Blɔti ɔ́lɛku bekpine akɔ, na ɔdubɔgyila abu lɛnɔ ku nwuna ɔyikun.