Popular Bible Verses from Korintoƒuɔ 1 15

Share

Anwuɔsu ni, banwa, binye kpakplaa na bitagbanta. Na binye Blɔti kabla lɛlɔ uwi biala. Ɔsika bɛgyi ka lɛla lɛdi liiibo na bɛdubɔbla na Blɔti kabla kemmo na wabla keeke.

Nsu bɔɔgyá Katɔti enu. Anwu náya na bɔ́di lɛlɔ ɔkɛnku Blɔti Yesu Kristo lɛlɔ!

Bitabla susuusu. Kɔkpana kukpidi kuubile udu buni.

Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Na bénweni lɛnɔ banii, “Kukpi, wɛ na ƒula lɛlɔ bɔdi bɔkya. Na wɛ na ƒula ɔyikun ɔni mɔɔta-bu mmɔ ɔkya?” Kukpi kɔɔkɛ́ ɔyikun ɔni na ɔda ɔɔta-bu taasiku likpidi kudɔ. Na likpidi lɛnɔ lɛɛkɛ́ nwuna ɔyikun taasiku ɔda bubo kudɔ.

Binu lɛbɛla lɛmɛni. Ɔɔɔdi bula ƒui ndubukpi. Nsu si kakpɛɛ kekplodi káku ni, Katɔti ɔdubo bula ƒui udu bɔvumana kɔnakunwi. Na ɔdubɔbla aani kalɛ na beebó anumi. Ɔsika si kakpɛɛ kammɔ káku ni, Katɔti ɔdubɔgyila bekpine ɔni na basɔ belekpi kudii. Na ɔdubo bula ƒui udu bɔvumana.

Ɔsika kalɛ na kukpi kɔkɛnku ukyuli lɛlɔ na kúduo bekyuli akɔ ni, lɛni kani na bekpine badubo bɔsɔ bɔta ɔkɛnku ukyuli kani lɛlɔ. Kalɛ na bekyuli bani nálɛ bási Adam kemmo ƒui békpi ka báblaku-nwu unwi ɔsu ni, lɛni kani na Katɔti ɔdubɔsɔ ɔgyila bekyuli ƒui ɔlɛku kekpine na belie ngba ɔkɛnku bana unwi bɔbla ku Kristo ɔsu.

Ɔsika lɛla lɛni muubie taayii udu ni, badubo-ni bɔvumana bunwini lɛla lɛni nsɔ neeebie taayii udu. Na lɛla lɛni muukpi lɛnɔ ni, ɔdubo-ni bɔvumana bunwini lɛla lɛni nsɔ naaadubo bukpi.

Ɔsika Kristo ɔdubo lɛlɔ butaadi wetédu ka Katɔti úti nwuna bekisine ƒui ɔ́kya Yesu lɛgba kalɔ. Na ukisine ukplodi ɔni udu na ɔdubɔyila ndi kukpi.