Popular Bible Verses from Gesami Hea:su 40

Share

Na da Hina Gode Ea fidima:ne gebewane ouesalu. Amalalu E da na dini iabe amo nabi. Na da fafu wayabo amoga bogoma:ne bosona dalu. Be Hina Gode da na hiougia gadoi. E da na gaga:musa:, magufu da:iya asunasi.

E da nama gesami gaheabolo hea:ma:ne olelei. Amo gesami da Godema nodone hea:su gesami. Dunu bagohame da amoba:le dawa:digili ilia da Hina Godema dafawaneyale dawa:mu.

Nowa dunu ilia da Hina Godema dafawaneyale dawa:sa, amola ogogole loboga hamoi ‘gode’ ilima hame fa:no bobogesa, amola dunu ilia da ogogosu ‘gode’ ilima nodone sia:ne gadosea ilima hame gilisisa, amo dunu ilia da hahawane bagade gala.

Na da Dia hanai amo hamomusa: bagadewane hanai galebe. Dia malasu da na dogo ganodini diala.”

Hina Gode! Na dawa:! Dia da nama gogolema:ne olofosu asigidafa hou hamedafa dagolesimu. Dia da nama mae fisili asigidafa hou hamonanebeba:le na da gaga:i dagoi ba:lalumu.