Popular Bible Verses from Gesami Hea:su 34

Share

Hina Gode da da:i dioi dunu ilima gadenene esala. Amola E da dafawane hamoma:beyale dawa:lusu fisi dunu, amo ili gaga:sa.

Na da Hina Godema sia:ne gadobeba:le, E da nama dabe adole i. E da na beda:su hou amo huluane fadegale fasi.

Moloidafa dunu da bidi hamosu bagohame ba:sa. Be Hina Gode da ili amo huluane bu mae ba:ma:ne gaga:sa.

Dilisu Hina Gode Ea noga:idafa hou hogole ba:ma! Dunu amo Ea gaga:su hogole ba:beba:le, ilia da hahawane bagade ba:sa.

Inia: houga banenesisi dunu, ilia da Emaba:le hahawane nodogia:mu. Amola ilia dafawaneyale hamoma:beyale dawa:lusu logo bu hame hedofai ba:mu.

Moloidafa dunu ilia da Hina Godema wele sia:sea, E da naba. E da ilia bidi hamosu, amo bu mae ba:ma:ne gaga:sa.

Hina Gode Ea a:igele dunu da Ea sia: nabawane hamobe dunu amo gaga:sa. Amola se nabasu ilima mae doaga:ma:ne gaga:sa.

Wadela:i hou yolesili, noga:i hou fawane hamoma! Olofosu hou hamoma:ne, logo hogoi helema!

Amai galea, wadela:i ledo hamoi sia: sia:su amola ogogosu hou yolesima!

Hina Gode da moloidafa dunu ilima ba:le gasa, amola ilia dini ianebe naba.

Hina Gode Ea bagadedafa hou amo ninia gilisili sisia:i lala:di! amola ninia huluane gilisili Ea Dio amoma nodone sia:na:di.