Popular Bible Verses from Gesami Hea:su 32

Share

Hina Gode da amane sia:sa, “Na da dia masunu logo agoane masa:ne olelemu. Na da dima dawa:digima:ne sisasu olelemu.

Di da na wamoaligisu sogebi agoai gala. Bidi hamosu da nama mae doaga:ma:ne, Di da na gaga:mu. Na da Dia gaga:su hou dawa:beba:le, ha:giwane gesami hea:sa. Bai Di da na gaga:lala.

Amalalu, na da na wadela:i hou amo Dima sisane fofada:i. Na wadela:i hou huluane, na da Dima hame dedeboi. Na da huluane Dima sisane fofada:musa: dawa:i. Amola Di da amo wadela:i hou huluane gogolema:ne olofoi.

Nowa dunu ilima Hina Gode da ea wadela:i hou gogolema:ne olofoi dagoi, ilia da hahawane gala.

Nowa dunu da ogogosu hame dawa: amola wadela:i hou hame hamobeba:le, Hina Gode da ema diwane hame udidisa, amo dunu da hahawane gala.

Amaiba:le, Dima mae fisili dafawaneyale dawa:su dunu da bidi hamosu ba:sea, Dia fidima:ne sia:ne gadomu da defea. Amasea, bidi hamosu da hano heda:i defele manebe ba:sea, amo da ilima hame doaga:mu.