Popular Bible Verses from Maiga 4

Share

Fifi asi gala higagale da ilila: loboga hahamoi ‘gode’ ilima nodone sia:ne gadosa, amola ilima fa:no bobogesa. Be ninia da ninia: Hina Godema nodone sia:ne gadosa, amola Ea hamoma:ne sia:i defele hahamona ahoanumu.

Amogai dunu ilia da amane sia:mu, “Niniamone, Hina Gode Ea agologa heda:la:di! Niniamone Isala:ili Hina Gode Ea Debolo Diasuga ahoa:di! E da ninia hamoma:ne, Ea dawa:i amo ninima olelemu. Ninia da logo Ea nini masa:ne ilegei, amoga masunu. Bai Hina Gode Ea olelesu da Yelusalemeganini maha. Amola Saione amoganini E da Ea fi dunuma adosa.

Eso da misunu amoga goumi amo da Debolo diasu danebe amo goumi da eno agolo baligili gadodafa heda:i ba:mu. Fifi asi gala bagohame da amo goumiga gilisila misunu.

Hina Gode da fifi asi gala (gasa bagade fi badilia amola gadenene esalebe) amo ganodini sia:waisu olofoma:ne hahamonesimu. Ilia da ilila: gegesu gobihei dadabili salalu, bu osobo gidinasu hamomu. Amola ilia: goge agei dadabili salalu, ifa dadamusu gobihei hamomu. Fifi asi gala da bu hamedafa ha lamu, amola bu gegemusa: hamedafa momagemu.