Popular Bible Verses from Aisaia 55

Share

Hina Gode da amane sia:sa, “Na asigi dawa:su da dilia asigi dawa:su defele hame gala. Amola Na hou da dilia hou amoma hisu agoane gala.

Muagado da osobo bagadega gadodafa gala. Amo defele, Na asigi dawa:su da dilia asigi dawa:su amoga baligili gadodafa gala.

Hina Gode da gadeneiba:le, Ema sinidigili, sia:ne gadoma.

Wadela:i hamosu dunu da ilia wadela:i hou fisili, ilia wadela:i asigi dawa:su afadenema:mu. Ilia da ninia Gode, amo Hina Godedafa, Ema sinidigimu da defea. Bai Gode da asigisa, amola E da hedolo gogolema:ne olofosu dawa:.

Hina Gode da amane sia:sa, “Nowa da hano hanai galea, misa! Hano na misa! Amola, dilia muni hame gagui dunu! Gagoma bidi lamusa:, misa! Waini hano amola bulamagau dodo maga:me bidi lamusa:, misa! Amo lama:ne, dilia da muni hame imunu.

Na sia: da anegagi mugene amola gibu agoai gala. Ilia da muagado misini, osobo bagadega hano iaha. Ilia dabeba:le, ha:i manu da heda:sa, ninia hawa: bugima:ne amola ha:i manu moma:ne ba:sa. Na sia: amola da agoaiwane gala. Na sia: sia:i, da Nama udigili sinidigimu da hamedei. Be Na sia: da Na ilegei huluane didili hamoi dagoi ba:mu.

Dilia da Ba:bilone yolesili, hahawane gadili masunu. Na da amo moilai bai bagadega dili gadili oule masunu. Fedege agoane, goumi amola agolo ilia da gesami hea:mu, amola ifa huluane da hahawaneba:le, ilia lobo famu.

Na fi dunu! Nabima! Amola Nama esalusudafa lama:ne misa. Na da eso huluane dialalalumu gousa:su dilima hamomu. Amola hahawane iasu hou, Na musa: Da:ibidima imunu ilegei, Na da amo dilima imunu.