Popular Bible Verses from Aisaia 53

Share

Be amomane ninia wadela:i hou hamobeba:le, E da fa:gi ba:i. Ninia wadela:i hou hamobeba:le, eno dunu da E fai. Se iasu E nabi amoga ninia da uhinisi dagoi ba:mu. Amola fasu amo E lai, amoga ninia hou hahamoi dagoi ba:mu.

Ninia huluane da sibi fisi dagoi agoane ba:i. Ninia da ninia hanaiga logo afae afae amoga ahoasu. Amola Hina Gode da ninima se iasu imunu da defea galu. Be ninima se mae iawane, E da Ea Hawa: Hamosu dunu Ema amo se iasu i.

Ninia da wadela:i hou hamoiba:le, se iasu lamu da defea galu. Be E da ninia se iasu lai dagoi. E da ninima asigiba:le, se bagade nabi. Be ninia giadofale, Gode da Ema ougiba:le Ema se iasu, dawa:i galu.

Ninia da amo Dunu da hamedei dawa:i, amola ninia E higasu. E da se bagade nabi be Ea hawa: hamosu hame fisi. Dunu huluane da E ba:mu higa:i galu. E da hamedeidafa ilia dawa:beba:le, higabeba:le, E hame dawa:i.

E da eno dunu ilia hamobeba:le, se bagade nabi. Be E da dabe ima:ne hamedafa sia:i. Ilia da sibi mano medole legesea o sibi ea hinabo dadamusia, sibi da hame sia:sa. Amo defele, ilia Gode Ea Hawa: Hamosu Dunu famusa: oule ahoanoba, E da ouiya:le esalu.

Hina Gode da amane sia:sa, “Na hanaiga E da se nabi. Ea bogosu da wadela:i hou gogolema:ne olofosu ima:ne gobele salasu agoane ba:i. Amaiba:le, E da Egaga fi ba:mu, amola eso bagohame esalumu. Amola Ea hamobeba:le, Na ilegei hou da hamoi dagoi ba:mu.

Hina Gode Ea hanai defele, Ea Hawa: Hamosu Dunu da asaboi sono hafoga:i soge ganodini ea difi daha, amo defele heda:i. E da Ea hou hame gaguia gadoi amola noga:i odagi ba:su ninia Ema hanaiwane ba:ma:ne, amo hou hame ba:i.

Amaiba:le, Na da Na Hawa: Hamosu Dunu amo gaguia gadole, dunu eno Ema nodoma:ne, gasa baligili bagade dunu ilia sogebi amoga ilegema. Bai E da mae hihini Ea esalusu fisili iawane, wadela:i hamosu dunu ilia se iasu amola bogosu defele lai dagoi. E da wadela:i hamosu dunu bagohame ilia se iasu lai dagoi, amola ilia wadela:i hou gogolema:ne olofomusa:, Godema sia:ne gadoi.”

E da se nabalu, bu hahawane ba:mu. E da se udigili hame nabi, be bai bagade gala amo dawa:mu. Na Hawa: Hamosu dunu, Na Dogolegei da dunu bagohame ilia se iasu lalegagumu. Amola Ea hamobeba:le, Na da amo dunu ilia wadela:i hou gogolema:ne olofomu.

Ilia da E afugili Ema fofada:nanu, E medole legemusa: oule asi. Amola Ea esalebe eso amoga, esalebe dunu huluane da Ea bogobe asigiwane hame dawa:i galu. E da ninia fi dunu ilia wadela:i hou hamoiba:le, medole legei dagoi ba:i.

E da wadela:i hou hamedafa hamosu, amola ogogole hamedafa sia:i. Be ilia da amo Dunu wadela:i hamosu dunu amola bagade gagui dunu gilisili bogoi uli dogoi ganodini salimusa: ilegei.”