Popular Bible Verses from Aisaia 51

Share

Hina Gode da amane sia:sa, “Na da dilima gasa iaha. Osobo bagade dunu ilia da gisi agoane, hedolo bogomu. Amaiba:le, dilia da abuliba:le osobo bagade dunuma beda:ma:bela:?

Na da mu fadegale gale amola osobo bagade ea bai ligisi dagoi. Na da Yelusaleme fi ilima amane sia:sa, ‘Dilia da Na fi! Na da Na olelesu dilima i dagoi. Amola, Na da Na loboga dili gaga:sa.’”

Dilia dunu amo da moloidafa hou dawa:, amola Na olelesu da dilia dogo ganodini diala! Na sia: nabima! Dunu eno da dilima gadele sia:sea amola oufesega:sea, mae beda:ma.

Na da Yelusaleme fi ilima asigili ilia dogo denesimu. Ilia moilai da wadela:lesi dagoi, amola hafoga:i wadela:i soge agoane ba:sa. Be Na da amo afadenene, bu ifabi ida:iwane, ifabi Na hemonega Idini sogega bugi amo defele, hamomu. Amo ganodini, hahawane hou bagade amola Nama nodosu gesami hea:su ba:mu.

Dunu amo Di gaga:i, ilia da hahawane Yelusalemega doaga:mu. Ilia da hahawaneba:le, gesami hea:lalumu amola wele sia:nanumu. Ilia da eso huluane da:i dioi amola se nabasu hame ba:mu, amola hahawane esalumu.