Popular Bible Verses from Aisaia 43

Share

Be gaheabolo hou Na da hamomu, amo noga:le ba:mu. Amo hou da wali hamonana ba:sa. Dilia da waha ba:musa: dawa:. Na da iwila ganodini logo fodomu. Amogawi, Na da dilima hano imunu.

Dilia da hano lugududafa amo ganodini ahoasea, Na amola ani masunu. Dilia bidi hamosu da dilima hame hasanasimu. Dilia lalu amo ganodini ahoasea, dilia nei dagoi hame ba:mu. Gasa bagade adoba:su hou da dilima doaga:sea, dilia da wadela:lesi dagoi hame ba:mu.

Be Hina Gode da amane sia:sa, “Musa: hou doaga:i amoma bagadewane mae dawa:ma.

Isala:ili fi! Hina Gode, amo da dili hahamoi, E da amane sia:sa, “Mae beda:ma! Na da dili gaga:mu! Na da dilia dio amoga dilima wele sia:i dagoi. Dili da Na:.

Na da dili gaga:ma:ne, fifi asi gala mogili fisimu. Bai dilia da Nama dogolegei fi. Dilia da Na dogolegei amola Na da dilima nodosa.

Bai Na da Hina Gode, dilia Gode. Na da Isala:ili Hadigi Gode, Na da dilia gaga:su dunu esala. Na da dili bidi lama:ne, Idibidi fi fisimu. Na da dili bidi lama:ne, Sudane amola Siba sogebi fisimu.

Mae beda:ma! Na da ani esala. Dilia fi dunu amo soge sedagaga esala mogili da gusugoe mogili da gududili, amoga Na dili buhagima:ne oule misunu

Be Na da Gode! Na da dilia wadela:i hou amo gogolema:ne olofomusa: dawa:. Bai Na da Godedafa. Na da dilia wadela:i hou gogolele, dilima bu hame fofada:mu.

Isala:ili fi dunu! Dilia da Na ba:su dunu esala. Dilia da Na hou dawa:ma:ne, amola lalegaguma:ne, Na da dili Na hawa: hamosu dunu hamoma:ne, ilegei dagoi. Nisu da Godedafa. Eno ‘gode’ da hame gala. Musa: da eno ‘gode’ hame galu amola fa:no eno ‘gode’ hamedafa ba:mu.

Na, Nisu da Hina Godedafa. Nisu da dili gaga:musa: dawa:.

Na da Godedafa esalu, amola Na fawane da Godedafa esalumu. Dunu da Na gasa amoga hobeamu da hamedei ba:sa. Amola dunu afae da Na hamobe amo afadenemu da hamedeidafa.”

Dunu amola sigua ohe fi da Nama nodomu. Soge wa:me amola “osadaligi” sio da Nama nodomu. Na da hafoga:i soge ganodini, hano yogosa:ima:ne hamone, Na fi ilegei dunu amoma hano imunu. Amo dunu Nama nodoma:ne, Na da hahamoi dagoi. Amola ilia da Nama nodone gesami hea:mu.

Amola ga (north) fi ilima ilia da Na fi dunu bu misa:ne logo doasima:ne Na da sia:mu. Amola ga (south) fi ilima Na da Na fi ilia bu misunu logo amo mae gasima:ne sia:mu. Osobo bagade fifi asi gala huluane amo ganodini Na fi dunu da esala, amoga ilia bu misunu da defea. Ilia da Na fidafa dunu, amola ilia da Nama Hadigi ima:ne, Na da ili hahamoi dagoi.”

Hemonega Hina Gode da hano wayabo bagade amo ganodini logo ahoasu hamoi. Hano gafului ganodini, E da logo hamoi. E da amoga gasa bagade dadi gagui ilia sa:liode amola hosi gilisisu, amo oule misini, wadela:lesi dagoi. Ilia da bu hame wa:legadoma:ne, dafai dagoi. Ilia da gamali ha:ba:dosu defele usi dagoi ba:i.

Na da Hina Gode, dilia Hadigi Gode! Na da dili, Isala:ili fi, amo hahamoi, amola Na da dilima Hina bagade.”