Popular Bible Verses from LOMA 2

Share

Toku tagata, i tou taofi me kafai e fakamasino atu ne koe a tino kola e amioga pena, kae tela ei koe e amioga foki pena; e a, e mafai ne koe o sao mai i te fakamasinoga a te Atua? Kae a, ko fakaseaoga fua ne koe te lasi o tona alofa kaimalie, tena loto mau mo te kufaki? E se iloa ne koutou i te alofa kaimalie o te Atua e takitaki ne ia koe ki te salamo ki agasala?

Tela la, ko seai sau fakamasakoga e toku tagata, e tusa me ko oi koe, kae kafai e fakamasino atu koe, ko fakamasino eiloa koe ne koe, me i te famasino e fai foki ne ia a mea kona.

Me i te Atua e se fakailoga tino.

I te mea e se ko tino kola ne fakalogo'logo olotou taliga ki te Tulafono e amiotonu i mua o te Atua, ka ko latou kola e tausi te Tulafono ka takuamiotonugina.

Ka tuku atu ne ia te 'togi ki tino katoa, e tusa mo olotou galuega ne fai.

Ka ko latou kola e ma'natu fakapito, kae se faka'logo ki te mea tonu, kae faka'logo ki te amio masei, ka i luga i a latou te fakasalaga mo te kaitoa.

Kae ona ko tou loto makeke mo te finau vale, ko fakaputu ake ne koe ou fakasalaga mō te Aso o te kaitaua o te Atua, tela ka fakaasi mai ei tena fakamasinoga tonu.