Popular Bible Verses from KALATIA 5

Share

Ka ko fua o te Agaga, ko te alofa, te fiafia, te filemu, te kufaki, te mataalofa, te 'lei, te fakamaoni, te loto malalo, mo te loto pulea. E seai se tulafono mo mea konei.

E fai atu au penei, ke takitaki te Agaga i otou olaga, kae ke se fiafia koutou ki lagona faka te foitino.

Ko ola tatou i te Agaga, tela la, e 'tau o fakatonutonu foki tatou ne te Agaga.

Ka ko tino kola ko ola i a Keliso Iesu, ko oti ne fakasataulo ne latou a te feitu faka te foitino mo ona manako, mo mea foki e fina ki ei.

E iloa 'lei faeloa a mea e fai ne te manako faka te foitino. Ko mea penei: sulaitetapu, amio masei, mo faiga masei; ifo ki tupua, fai vailakau, fai fili, fai taua, loto masei, loto ita, manatu fakapito, finau valea, mo te fia fakamavaevae; kaisano, 'kona, fiafiaga o te 'kona, mo nisi mea katoa penei. Ko polopoloki ne au koutou nei, pela foki mo aku polopolokiga mua; a tino e fai ne latou a mea konei, e se talia ne latou a te Atua ke fai mo olotou tupu.

Ka ko koutou e oku taina, ne kalagagina koutou ki te saolotoga; ke sa fai la ne koutou te saolotoga tenei mo mea e pule i ei te feitu faka te foitino, kae ke fai te alofa mo auala e fakatau tavini ei koutou.

I te mea, e 'teke atu a manako o te foitino ki manako o te Agaga, e 'teke atu foki a manako o te Agaga ki manako faka te foitino: a mea konei e lua, e fai fili; ko tena uiga e se mafai ne koutou o fai a mea e loto koutou ki ei.

Me i te Tulafono katoa ko akutu i te fakatonuga e tasi: “Alofa ki tou tuakoi, e pela eiloa mo koe ki a koe.”

E se 'tau mo tatou o fakamata'mata, faka'itaita te sua tino ki te sua tino.

A te saolotoga tenei ko maua ne tatou, ne fakasaoloto ei tatou ne Keliso. Tumau la i ei, kae sa toetuku atu koutou ke toe fai mo pologa.