Popular Bible Verses from EFESO 6

Share

Me i a tatou e se taua mo tino, kae taua mo malosi masei faka te tiapolo i te lagi, ko pule, malo, mo te malosi o te lalolagi pouliuli i aso nei.

Ke fai katoa ne koutou a mea konei i te 'talo, e fakatagi atu ei koutou ki te Atua mo tena fesoasoani. 'Talo i taimi katoa, e pela eiloa mo te takitakiga a te Agaga. Ona ko te feitu tenei, ke matapulapula koutou, kae sa loto vaivai; 'talo faeloa mo Kelisiano katoa.

Ke fakaeke ki luga i a koutou a meatau katoa kola ne tuku atu ne te Atua, ko te mea ke mafai ne koutou o agai atu ki auala ma'sei o te Tiapolo.

Tela la, puke ki meatau katoa a te Atua, ko te mea ke mafai ne koutou o 'teke te oko mai o te fili, kae kafai e taua eiloa koutou ke oko ki te fakaotiga, e tumau eiloa koutou i te koga tena.

E 'tau o ave sale a te fakatuanaki i taimi katoa ke fai mo talita; ko te mea ke mafai ne koutou o tamate ki ei a matasana 'ka a te Tino Masei. Ke talia ne koutou a te fakaolataga ke fai mo otou pulou tau, mo te muna a te Atua ke fai mo pelu, e pela eiloa mo te tukuatuga ne te Agaga ki a koutou.

Tela la, ke 'tu mautakitaki koutou: ke fai a te munatonu mo kafanoa e li fakatamilo i otou taugasulu; ke fakapei ki luga i otou foitino a te amiotonu ke fai mo otou ufifatafata, ka ke toka foki koutou o takutaku atu a te Tala 'Lei o te Filemu, ke pela mo ne taka mō otou vae.

Konei aku muna fakaoti, ke ati ake te otou malosi i te kau fakatasi mo te Aliki i tona mana malosi.

“Ava ki tou tamana mo tou matua,” Tenei a te tulafono muamua e isi sona taui. “Ko te mea ke solosolo lei tou olaga, kae ke ola leva foki koe i te fenua.”

A koutou e tamaliki, se tiute faka-Kelisiano o koutou, o fakalogo ki otou matua, me tena eiloa te mea tonu e 'tau o fai ne koutou.