Popular Bible Verses from KOLOSE 1

Share

Ko oti ne fakasaoloto ne ia tatou mai i te malo o te pouliga, kae ne fakamasiki atu ne ia tatou ki te malo o tena Tama Fagasele

Me ne faite a mea katoa e alatu i a ia, ko mea i te lagi mo mea i te lalolagi, ko mea e matea mo mea se matea, me ko nofogaaliki io me ko aliki, me ko fonopule io me ko pule, ne fai a mea katoa e alatu i a ia kae mō ia foki.

Ne muamua a ia i mea katoa, ka ko akutu fakatasi a mea katoa ki a ia.

A Keliso ko te fakatusa o te Atua tela e se matea ki mata, ko te uluaki o mea katoa ne faite; e sili foki a ia i mea katoa ne faite.

Tela la, mai i te taimi ne lagona ei ne maua a tala e uiga ki a koutou, ne seki gata eiloa te ma 'talo mō koutou, e fakatagi atu ei maua ke fakafonu koutou i te iloa o te loto o te Atua, i poto katoa mo te iloa faka te Agaga, ke takitaki ei se olaga e aoga mō te Aliki, e fonu i mea e fakafiafia ki a ia, kae fua mai foki i galuega 'lei katoa, kae ke 'tupu ake foki koutou i te iloa 'lei o te Atua.