Popular Bible Verses from 2 KOLINITO 9

Share

Ka ko te Atua e mafai faeloa o tuku atu ne ia ki a koutou a fakamanuiaga e sili atu i mea e manako koutou ki ei, ko te mea ke maua a mea e ma'nako koutou ki ei, kola ka aoga malosi mo te faiga o galuega 'lei katoa.

A tino takitokotasi e 'tau eiloa o fai a te mea tela ko iku i tena mafaufau ke fai; e se i te loto se malie io me ko te fai malo, me i te Atua e fiafia ki te tino tela e tuku ana mea mo te loto malie.

Tenei te pogai o te manatu: ko te tino tela e mu'tana ana fuaga ne toki, ka mu'tana foki ana fuataga e maua; ka ko te tino tela e uke ana fuaga ne toki, ka uke foki ana fuataga e maua.

A te Atua tela e tuku atu ne ia fuaga ki te tino toki lakau mo meakai ke 'kai ei tatou, ka tuku atu ne ia, kae fakauke foki ne ia te otou maumea i fuaga ka toki, kae toe fakauke foki ne ia a fua o te otou alofa. Ka fakamaumeagina koutou i ala kesekese, ko te mea ke lasi te otou alofa kaimalie i taimi katoa, ko te mea ke tokouke e fakafetai atu ki te Atua ona ko te meaalofa ne avatu ne matou.

Ke fakafetai tatou ki te Atua mo tena meaalofa e se mafai o fakamatalagina!