Popular Bible Verses from 2 KOLINITO 4

Share

Tela la, ko fakamautakitaki omotou mafaufauga ki mea kola e se matea ki mata, kae se ki mea kola e matea ki mata. A mea kola e matea ki mata e se tumau, ka ko mea kola e se matea, e tumau eiloa ke oko ki te se gata mai.

E se mafai o loto vaivai matou. E tiga eiloa i te gasolosolo malie o vaivai omotou foitino, ka ko te motou malosi faka te Agaga e fakafou faeloa i aso takitasi. Ka ko te puapuaga se tumau tenei, e isi eiloa te faigata kae mama fua ki omotou manatu, kae ka aumai ne ia ki a matou te 'malu se gata mai, tela e sili atu tona taua i lo te puapuaga tenei.

E masani matou o fetaui sale mo puapuaga, kae se logofiofio matou. I nisi taimi e 'fonu matou i manatu fakalotoloto lua, kae se loto vaivai eiloa matou. E fakasauagina matou kae se 'mate, ne ta ki lalo, kae 'lei faeloa matou.

Tela la, e ui eiloa me ko maua ne tatou te koloa faka te Agaga tenei, e pau tatou mo fagu kele i te ma'fa gofie. Ne fai ne te Atua penei o fakaasi i te mana e o ia, kae se e o tatou.

Ne se talitonu latou i te mea ko fakapouligina olotou loto ne te atua masei o te lalolagi nei, ko te mea ke se matea ne latou a te mainaga o te Tala 'Lei e uiga ki te 'malu o Keliso, tela ko te fakatusa tonu o te Atua.

A te Atua tela ne fai atu penei, “Ke 'pula mai te mainaga mai te pouliga,” ko te Atua foki eiloa tela ne fai ne ia ke 'pula te mainaga tenei i omotou loto, ke maua ei ne tatou a te poto e uiga ki te 'malu o te Atua, tela e 'pula i foliga o Keliso.