Popular Bible Verses from 1 KOLINITO 15

Share

Tela la e oku taina fagasele, ke mautakitaki koutou, sa gasue'sue, kae ke ga'lue malosi koutou i te galuega a te Aliki, me ko iloa 'lei ne koutou me se mafai o maumau otou galuega i te Aliki.

Kae ke fakafetai atu tatou ki te Atua, me ne aumai ne ia te manumalo ki a tatou e alatu i te tou Aliki ko Iesu Keliso.

Ke se fakaloiloigina koutou: “A taugasoa ma'sei e fakamasei ne latou te amio 'lei.”

Kae ona ko te alofa tauanoa o te Atua, ko fai ei au nei mo apositolo, ka ko tona alofa ki a au e tumau eiloa tona aoga. Ne galue malosi atu au i lo so se apositolo, kae se pogai mai i a au, kae ne pogai mai i te alofa tauanoa o te Atua tela e i loto i a au.

“Te mate, tefea tou manumalo? Te mate, tefea tou malosi?” A te 'mae o te mate ko te agasala, ka ko te malosi o te agasala ko te tulafono.

Kiloke! Ke fai atu ne au a te mea 'funa. E se 'mate katoa tatou, kae ka 'fuli katoa foliga otou foitino, i se taimi fakapei mai mua nei, e pela eiloa mo se kemoga o mata, manafai ko tagi a te pu fakaoti. Me kafai e tagi te pu, ka toetu a Kelisiano ki te se toe 'mate, kae ka 'fuli foki foliga otou foitino.

Me ne oko mai a te mate i te tino e tokotasi ko Atamu, ne oko mai foki a te toetu i te tino e tokotasi ko Keliso. Ne 'mate katoa tino i te agasala a Atamu; tela la, ka fakaolagina tino katoa i a Keliso.

Me i te foitino mate tenei, e 'tau o fakaeke ki ei a te foitino se mate, mo te foitino se ola tumau tenei, e 'tau o tuku atu ki luga i a ia te foitino ola tumau.

Me e 'tau eiloa o pule a Keliso ke oko ki te taimi ko oti ne tuku ne te Atua a fili o Keliso mai lalo i ona vae. A te toe fili e 'tau o fakatakavale, ko te mate.