Popular Bible Verses from San Marcos 11

Share

No ngantoy ibaga jo so nen Apo Shiyos, eẃaten jo, no enshiy showashowa jo nonta panakabalin ton mengi‐kan son si‐kayo.

Agpayso iya ikowan ko son si‐kayo. Angken sipen too, no memati son Apo Shiyos ey tongpalen to sota ishawat to son si‐kato, ja enshiy showashowa to, sigoradon eg nagshengan i mebedin ton dag‐en. Mebedin na ikowan to niyay ya shontog ey ma‐tan shorog ja ondaw shima baybay et mayto‐to‐ẃen medeka.

“Jet no maramen kayoka mansheẃat son Apo Shiyos, ey ẃaray nemnemen jon eg jo kosto ja inpasing ni eshom son si‐kayo, mesepol la pekawanan jo sotan na too, say si Apo Shiyos ja Amejo shi dangit, pekawanan to ngoy nanbasolan jo.

Simongbat si Jesus ja kowan to ey, “Pamati kayo son Apo Shiyos.

Jet intod‐an to ira ja kowan to ey, “Say kowan nonta esel nen Apo Shiyos ja naysolat nonta bayag da, kowan to ey sajay ya baley nen Apo Shiyos, nayngadnan ey si‐katoy pansheẃatan ni emin na totoo son si‐kato, nem inpanbalin jo et ni singa amotan ni tolisan!”

Sota ira totoo ja epangdo ey si Jesus, tan sota ira na‐onod, ireka onkaneljaw, ja kowan sha ey, “Salamat son Apo Shiyos tep inbetkag to di iya toon mengisedakan! Bindisiyonan to koma!

Iyay ali sota toon naypadto nonta bayag da ey mengibengon ni inpantoray nen Ari David ja apo tayo da! Bindisiyonan nen Apo Shiyos i pantoshay to di! Salamat son Apo Shiyos ja Kangeto‐an!”