Popular Bible Verses from I-Ipiso 6

Share

Tep aliẃen kait tayon too i kabakal tayo, no diket si Satanas, tan sota ira kait to ja ispiriton ngaaw ja toka ibetbetkag. Jet angken pay sota ira kait to ja singa enanngel ono emengitoshay niya dobong niman, si‐karay makakontra son si‐katejon emati.

Panshawat kayo ni olay so nen Apo Shiyos say todongan shakejo, jet karekayo on‐ekdas ja mansheẃat ni olay para so nonta ira emin na emati. Onod jo ni olay sota pengiredan ni Ispirito Santo son si‐kayo ni joka pansheẃat.

Jet nemnem jon osalen sota in‐akan nen Apo Shiyos son si‐katejo ja may‐eshig shi almas ja para kobat, say eg shakejo ebaken nonta taktiko nen Satanas.

Isonga niman, karekayo mebegnad; osal jo et ja emin sota almas nen Apo Shiyos ja ẃara son si‐kayo, say eg kayo ma‐ebak no onsabi sota timpon paladoy pemekal nen Satanas son si‐kayo, tan say ẃara kayo pay laeng shi pamati ingkatod anongosto. Say kay‐eshigan ni almas nen Apo Shiyos, sajay. Daga jo sota agpayso, aliẃen sota o‐owap, ta sotan i may‐eshig ey singa balkes jo. Onod jo ni olay sota bilin nen Apo Shiyos ja kowan to ey dag‐en jo, jet sotan i may‐eshig ey danshok ka sa‐din ni pagew jo.

Say epateg so niyay ya emin, sota pamati so nen Cristo. Say arig niya pamatiyo, singa kalasay jo ja pena‐din jo ni bakdang jo no ẃaray diy ipana nen Satanas ja singa apoy ya emanshedang, ja may‐eshig shi aramid ton meneshal ni too. Jet say nemnemen jo ni olay, sota kaysedakan jo, ta sotan i may‐eshig ey hilmit ja sa‐din ni toktok jo. Itoshoyo sota esel nen Apo Shiyos, ta sotan i may‐eshig nodta kampilan ja in‐akan ni Ispirito Santo nen Apo Shiyos.

Isonga niman, karekayo mebegnad; osal jo et ja emin sota almas nen Apo Shiyos ja ẃara son si‐kayo, say eg kayo ma‐ebak no onsabi sota timpon paladoy pemekal nen Satanas son si‐kayo, tan say ẃara kayo pay laeng shi pamati ingkatod anongosto. Say kay‐eshigan ni almas nen Apo Shiyos, sajay. Daga jo sota agpayso, aliẃen sota o‐owap, ta sotan i may‐eshig ey singa balkes jo. Onod jo ni olay sota bilin nen Apo Shiyos ja kowan to ey dag‐en jo, jet sotan i may‐eshig ey danshok ka sa‐din ni pagew jo. Mesepol la esagana kayo ja mengikowan nonta maypangkep ni mapteng nga shamag ja mengi‐kan ni talna, jet sotan i may‐eshig ey singa sapatos jo.

Jet niman, say ma‐onod ja ikowan ko son si‐kayo, sajay. Say nemnemen jo ja mengi‐kan ni kedsang jo, si Apo Jesus, tan sota panakabalin to.

Waray bilin nen Apo Shiyos maypangkep niyay, ja kowan to ey, “Shayaw jo si amejo nen inejo, jet si Apo Shiyos, bindisiyonan shakejo jet onshokey i biyag jo shiya dobong.” Sajay i maykedima nodta sampolon bilin nen Apo Shiyos, nem sajay i pilmiron etaksholan ni mapteng nga sobadit so nonta ira onpati so.

Si‐kayon a‐anak, mesepol la pati‐en jo ni olay sota kowan ni maka‐anak son si‐kayo, ta sajay i mapteng nga pesing ni emati so nen Apo Jesus.