Popular Bible Verses from గలతీ 3

Share

మోసే సితి విజు రూలుఙ్‌ లొఙిఇ వరి ముస్కు వాజిని సయిపుదాన్‌ క్రీస్తు మఙి డిఃస్‌పిస్తాన్‌. ఎందనిఙ్‌ ఇహిఙ దేవుణు మాటదు రాస్త మనాద్, “కొహిదు డెఃల్‌పె ఆజి సాని ఎయెన్‌బా దేవుణు సాయిపు మనికాండ్రె”.

అందెఙె యూదురు ఇజినొ, యూదురు ఆఇకార్‌ ఇజినొ, వెట్టిపణి కినికార్‌ ఇజినొ, కిఇకార్‌ ఇజినొ, మొకకొడొః ఇజినొ, అయ్‌లికొడొః ఇజినొ ఆఏద్‌ ముకెలం మీరు విజెదెరె ఉండ్రె లోకుర్. ఎందనిఙ్‌ ఇహిఙ, మీరు క్రీస్తు యేసు వెట కూడిఃతి మనిదెర్.

మీరు క్రీస్తు వెట కూడిఃతి మనికిదెర్‌ ఇహిఙ, అబ్రాహము తెగ్గదు పుట్తికిదెర్. ఎందనిఙ్‌ ఇహిఙ క్రీస్తు అబ్రాహము తెగ్గదు పుట్తికాన్. మీరు దేవుణు అబ్రాహము వెట ఒట్టు కిత్తి దన్నిఙ్‌ అక్కు మనికిదెర్‌.

క్రీస్తు యా లెకెండ్‌ ఆతండ్రె మఙి డిఃస్‌పిస్తాన్. ఎందనిఙ్‌ ఇహిఙ, దేవుణు అబ్రాహముఙ్‌ ఒట్టు కిత్తి దీవెనమ్‌కు యూదురు ఆఇ వరిఙ్‌ క్రీస్తు యేసు వెట దొహ్‌క్తె. మరి క్రీస్తు ముస్కు మఙి మని నమ్మకమ్‌దాన్, దేవుణు సీన ఇజి ఒట్టు కిత్తి వన్ని ఆత్మ మఙి దొహ్‌క్ని వందిఙ్‌ క్రీస్తు యా లెకెండ్‌ సాయిపు మొపె ఆతండ్రె మఙి సాయివుదాన్‌ డిఃస్‌పిస్తాన్.

గాని నిజమె, ఒరెన్‌ విజు రూలుఙ్‌ లొఙితిఙ్‌బా దేవుణు ఎద్రు నీతి నిజాయితి మనికాన్‌ ఆఎన్. ఎందనిఙ్‌ ఇహిఙ, “ఎయెఙ్‌ నీతి నిజాయితి మనికాన్‌ ఇజి నాను ఇట్తమననో వాండ్రు నా ముస్కు నమ్మకం ఇట్తి వందిఙ్‌ ఎలా కాలం బత్కినాన్‌”, ఇజి దేవుణు వెహ్తమనాన్‌ ఇజి దేవుణు మాటదు మనాద్.