Ӕз федтон: цӕгатӕрдыгӕй ӕрбацӕуы зилгӕ уад — тынг стыр ӕврагъ, уый сыгъди артау, йӕ алыварс тӕмӕнтӕ калдта. Арты астӕуӕй калди налхъуыт-налмасау цӕхӕркалгӕ рухс; арты астӕу зынди чидӕртӕ — цыппар удгоймаджы хуызӕн. Уыдон уыдысты адӕймаджы ӕнгӕс, фӕлӕ дзы алкӕмӕн дӕр уыди цыппар цӕсгомы ӕмӕ цыппар базыры. Сӕ къӕхтӕ уыдысты ӕмраст, сӕ къахы фадтӕ — стуры фадты хуызӕн, цӕхӕр сын калдтой ӕрттиваг ӕрхуыйау. Сӕ базырты бын цыппарӕрдыгӕй уыдис адӕймаджы къухтӕ. Сӕ цыппарӕн дӕр уыди цӕсгӕмттӕ ӕмӕ базыртӕ, сӕ базыртӕ кӕрӕдзиуыл ӕндзӕвыдысты. Цӕугӕ-цӕуын фӕстӕмӕ нӕ кастысты, алчидӕр дзы цыди, йӕ цӕсгом кӕцырдӕм арӕзт уыди, уыцырдӕм.