Popular Bible Verses from Фӕлхатгонд ӕгъдау 30

Share

Абон мын арв ӕмӕ зӕхх ӕвдисӕнтӕ уӕнт уӕ разы, цард кӕнӕ мӕлӕт, арфӕ кӕнӕ уын ӕлгъыст хъардтон. Равзарут цард, ӕмӕ цӕрын бантысдзӕн сымахӕн дӕр ӕмӕ уӕ байзӕддӕгтӕн дӕр, уарзут Дунедарӕджы, уӕ Хуыцауы, хъусут Ӕм ӕмӕ Йыл уӕ зӕрдӕ ма ивут, уымӕн ӕмӕ Уымӕй аразгӕ у уӕ цард, уӕ цӕрӕнбон, Дунедарӕг нӕ фыдӕлтӕ Авраам, Исаак ӕмӕ Йаковӕн цы бӕстӕ раттыныл басомы кодта, уым».

Абон уын куыд зӕгъын, афтӕ Дунедарӕджы, уӕ Хуыцауы, куы уарзат, Йӕ фӕндӕгтыл куы цӕуат ӕмӕ Йын Йӕ фӕдзӕхстытӕ, Йӕ фӕтк ӕмӕ Йӕ уагӕвӕрдтӕ куы ӕххӕст кӕнат, уӕд цӕрдзыстут ӕмӕ сбирӕ уыдзыстут; Дунедарӕгӕй, уӕ Хуыцауӕй, арфӕгонд уыдзыстут, уӕхи бакӕнынмӕ цы бӕстӕм цӕут, уым.

Ӕз уын абон уӕ разы ӕвӕрын: цард ӕмӕ фарн кӕнӕ — мӕлӕт ӕмӕ фыдбӕллӕх.

Тынг хӕстӕг уӕм сты уыдон — уӕ дӕлӕвзаг ӕмӕ уӕ зӕрдӕйы рӕбын, ӕмӕ сӕ уӕ бон ӕххӕст кӕнын у.

Дунедарӕг, уӕ Хуыцау, сунӕт скӕндзӕн уӕ зӕрдӕтӕн, стӕй уӕ байзӕддӕгты зӕрдӕтӕн дӕр, цӕмӕй Дунедарӕджы, уӕ Хуыцауы, уарзат ӕппӕт зӕрдӕйӕ ӕмӕ баззайат сӕрӕгасӕй.

Дунедарӕг, уӕ Хуыцау, сымахӕн алцыдӕр парахатӕй ратдзӕн, уӕ алы хъуыддаг дӕр уыдзӕни ӕнтыстджын; уӕ байзӕддаг, уӕ фосы зӕйц ӕмӕ уӕ зӕххы тыллӕг арфӕгонд уыдзысты. Йӕ хорзӕхтӕ уын лӕвар кӕнгӕйӕ, Дунедарӕг ногӕй цин кӕндзӕни, уӕ фыдӕлтыл куыд цин кодта, афтӕ

Фӕлӕ Йыл уӕхи куы атигъ кӕнат, Йӕ коммӕ куынӕ кӕсат, куы адзӕгъӕл уат ӕмӕ ӕндӕр хуыцӕуттӕм кувын ӕмӕ сын лӕггад кӕнын куы райдайат, уӕд — ӕз уын ӕй абон зӕгъын — фесӕфдзыстут. Иорданы фаллаг фарс уӕхи цы бӕстӕ бакӕндзыстут, уым бирӕ нӕ фӕцӕрдзыстут.

Абон уын ӕз цы фӕдзӕхстытӕ дӕттын, уыдон, уӕ зонд цӕмӕ сӕххӕсса, уымӕй уӕлдӕр не сты, ӕгӕр дард дӕр не сты сымахӕй.

Уӕларвы не сты, цӕмӕй афтӕ зӕгъат, уӕларвмӕ чи ссӕудзӕн ӕмӕ нын сӕ чи ӕрхӕсдзӕн, цӕмӕй сӕ мах ӕххӕст кӕнӕм, зӕгъгӕ.

Фӕсденджыз не сты, цӕмӕй афтӕ зӕгъат, чи фӕцӕудзӕн мах тыххӕй фӕсденджызмӕ ӕмӕ нын сӕ чи ӕрбахӕсдзӕн, цӕмӕй сӕ мах ӕххӕст кӕнӕм, зӕгъгӕ.