Popular Bible Verses from Фӕлхатгонд ӕгъдау 11

Share

Дзурут ӕмӕ сӕ дзурут уӕ цотӕн, фӕлхат сӕ кӕнут хӕдзары дӕр ӕмӕ фӕндагыл дӕр, ӕхсӕв ӕрхуысгӕйӕ дӕр ӕмӕ райсомӕй растгӕйӕ дӕр.

Уӕдӕ уын абон кӕй фӕдзӕхсын, уыцы ныхӕстӕ уӕ зӕрдӕйы арф бавӕрут, алкӕддӕр уӕнт уӕ хъуыдыйы. Уӕ къухыл сӕ фӕнысан кӕнут, уӕ ныхыл сӕ бабӕттут.

Мӕ фӕдзӕхстытӕ Мын куы ӕххӕст кӕнат, абон уын кӕй хъусын кӕнын, уыдон, Дунедарӕджы, уӕ Хуыцауы, куы уарзат, зӕрдӕбынӕй ӕмӕ Йын удуӕлдайӕ лӕггад куы кӕнат, уӕд Ӕз йӕ афоныл — уалдзӕг дӕр ӕмӕ фӕззӕг дӕр — уӕ бӕстӕйӕн къӕвдайы ӕртах дӕтдзынӕн, ӕмӕ уӕм уыдзӕни хор, сӕн ӕмӕ оливӕйы сой.

Уӕдӕ уарз Дунедарӕджы, дӕ Хуыцауы, кӕддӕриддӕр Ын ӕххӕст кӕн Йӕ домӕнтӕ, макуы ахиз Йе ’гъдӕуттӕ, Йӕ уагӕвӕрдтӕ ӕмӕ Йӕ фӕдзӕхстыты сӕрты.

Уӕхимӕ кӕсут: абон мӕнмӕ сымахӕн ис арфӕ ӕмӕ ӕлгъыст. Куыд уын дзурын, афтӕ Дунедарӕджы, уӕ Хуыцауы, фӕдзӕхстытӕм куы хъусат, уӕд — арфӕ. Ӕлгъыст — Дунедарӕджы, уӕ Хуыцауы, фӕдзӕхстытӕм куынӕ байхъусат, абон уын ӕз цы фӕндаг амонын, уымӕй куы фӕзилат ӕмӕ, кӕй нӕ зыдтат, уыцы ӕндӕр хуыцӕутты фӕдыл куы ацӕуат, уӕд.

Ныффыссут сӕ уӕ хӕдзӕртты уӕлкъӕсӕртыл ӕмӕ уӕ сахары кулдуарыл. Цӕмӕй, цалынмӕ зӕххы сӕрмӕ арв уа, уӕдмӕ, Дунедарӕг уӕ фыдӕлтӕн зӕрдӕ цы зӕххӕй бавӕрдта, ууыл сымах дӕр ӕмӕ уӕ тъымы-тъыма дӕр цӕра.

Уӕ зӕрдӕ уӕ ма асайӕд, ма адзӕгъӕл ут ӕмӕ ӕндӕр хуыцӕуттӕн лӕггад кӕнын ӕмӕ сын кувын ма райдайут.