Popular Bible Verses from Xota̱ Roma̱ 6

Share

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

Ngatꞌa̱ jeé jè ngiti̱ kuijín xi botixómájnú, ngatꞌa̱ jmí tsi ngi̱yaa̱ kjo̱a̱kitii̱ tindyiónjnú, ta̱sá ngi̱yaa̱ kjo̱a̱ndaa̱ Néná tindyiónjnú.

Ngatꞌa̱ jè xikoó tsi akjanijínná ko̱jo Kristoo̱ nga akatíndáná, tsi̱ꞌe̱ nga xikótsꞌèn Kristoo̱ jaꞌáꞌyaá ngi̱jii̱n xota̱ xi jesoón ta̱ngatꞌanii̱ nga Na̱ꞌmii̱ akó kjo̱a̱jee̱, ti̱ bo̱a̱ ti̱ tsꞌén ñá ngo kjo̱a̱mindyion tja̱tsi̱e̱ ngatꞌiéná.

Ti̱nde ngata̱ jeéjín boeꞌéjnúu̱ yojojnú nga ni xi ndajín sa̱ꞌínjnú, ta̱sá Néná te̱ꞌéjnúu̱ yojojnú nga xikoó tsi je jaꞌáꞌyájnú ngi̱jii̱n xota̱ xi je jesoón, kó takójnú yojojnú xikoó ngo ni xi niꞌánkjieén ni xi kixi̱i̱.

Ja̱ jè ya ñá nga kjo̱a̱mindyion xi kisꞌiená ngasꞌe̱ jè nijan kꞌienjo̱ Kristoo̱ ki̱a̱ tꞌa kroo̱. Tsi̱ꞌe̱ nga yojo jeé si̱ꞌankjie. Kuíni nga ngiti̱ kuijín jeé xi ko̱tíxománá.

Ti̱ bo̱a̱ ti̱ tsꞌén jún ti̱ꞌankjójnú nga je akayajo̱jnú jeé, kó ti̱ndyiónjnú xikótsꞌèn mejeén Néná nga ku̱i̱ndyionjnú ngatꞌaa̱ Kristoo̱, kui xi Ndi̱a̱ná.

Kó ngotꞌe̱ ꞌne̱ mí ni xi kꞌuín. A ta̱kó si̱ꞌanjé ñá tsi̱ꞌe̱ nga tsie ngase kjo̱a̱nda sa̱kóná. ¡Jmí! Ngatꞌa̱ tsi je ikꞌíjñámasien jeé, kótsꞌèn nga ta̱kó ku̱i̱ndyión nga si̱ꞌanjé.

A yàjínjnú nga tsi ngo nda̱ si̱ꞌankꞌasꞌienjnúu̱ yojojnú tsi̱ꞌe̱ nga ko̱nda̱ꞌyáꞌénjnúu̱, moso̱ xi kastiñaá kui nda̱ xi ndyi̱niꞌánkjatjosónjnúu̱ májnú. Kó tsi moso̱ xi kastiñaá jeé kjimajnú, ko̱yàjnú, ko̱jo tsi tsi̱ꞌe̱ nga ko̱nda̱ꞌyáꞌénjnú, kixi̱ ka̱majnú ngindyi̱ko̱n Néná.

Ta̱nga ndokꞌóchji̱raá Néná, ndatsi moso̱ xi kastiñaá jeé kamájnú ngasꞌe̱, ta̱nga ngotꞌe̱ ꞌne̱ jè kandaꞌyáꞌénjnú ngayeje ini̱ma̱jnú kui kjo̱a̱bokoyá xi kiniꞌánkꞌasꞌienjnú. Kó ngotꞌe̱ ꞌne̱ jè xota̱ ndeé jeé jún, kó jè mosoo̱ ni xi kixi̱i̱ kamájnú.