Popular Bible Verses from Xota̱ Roma̱ 10

Share

Nga tsi ndso̱ꞌbe xi bo̱a̱ katsó nga Kjisoo̱ xi Ndi̱a̱ná, ko̱jo tsi ngayeje ini̱màa̱ nga sꞌijii̱n nga Néná katsꞌénkjaꞌáꞌyaá ngi̱jii̱n xota̱ xi je jesoón, kjo̱tjoꞌa jí.

Ngatꞌa̱ ngi̱jii̱n ini̱ma̱ná boá nga sꞌijinná kjo̱a̱a̱ ni xi kixi̱i̱, ta̱nga ndso̱ꞌbá ñá boá xi ku̱i̱chji̱a̱ nga sꞌi̱jinná nga kjo̱tjoꞌa ñá.

Kuíni nga sꞌijinná Néná, kjiꞌanga ndaꞌyá eén, nga ꞌbíni̱jmìná kjo̱a̱a̱ Jesukristoo̱.

Ngatꞌa̱ bi̱ tsó xo̱jo̱n eén Néná: “Ngayeje xota̱ xi sꞌi̱jii̱n Néná jmí kjo̱a̱soboá sa̱kójiín.” Ngatꞌa̱ Néná jmí ndasénjiín tsi xota̱ jundío̱ ko̱jo tsi xota̱ xi jundío̱jín, ngatꞌa̱ Néná kuí boá xi Ndi̱a̱a̱ ngayeje xota̱, kó achichí ndaxota̱ tsꞌénjo̱ ngayeje xota̱ xi sa̱ꞌínkaxoma jaꞌeén. Ngatꞌa̱ “ngayeje xota̱ xi sa̱ꞌínkaxoma jaꞌeén Ndi̱a̱ná, kjo̱tjoꞌa.”

Kó kótsꞌèn kꞌuiníjmì eén Néná tsi jmíjín xi sa̱ngíyá. Bi̱ tsꞌén kjitꞌa xo̱jo̱n eén Néná: “Achichí tsjatsꞌèn fochokónná ngo xota̱ xi tsóyà éntjatsi̱e̱e̱ Néná.”

Ta̱nga, kótsꞌèn sa̱ꞌínkaxoma jaꞌeén Néná kui xota̱ xi kji̱e̱ sꞌijinjiín Néná. Kó kótsꞌèn sꞌi̱jii̱n Néná tsi kji̱e̱ ntꞌiéjín ꞌyání xi Néná. Kó kótsꞌèn ku̱i̱ntꞌiè tsi jmíjín xi ku̱i̱ꞌíni̱jmi̱ì.

Ngatꞌa̱ nga fetꞌanii̱ kjo̱a̱kitii̱ Kristoo̱ boá, tsi̱ꞌe̱ nga xota̱ kixi̱ ka̱ma ngayeje xi sꞌijii̱n kui.