Popular Bible Verses from Ni xi akakoo̱ 8

Share

Kó kjiꞌanga cho̱tsa̱nga̱a̱ iskjíxꞌaá seyo̱ xi ma yitoo̱ kui chꞌo̱ xo̱jo̱o̱n, masien ora̱ kisꞌie xió xió ndiꞌakꞌajmi jàn.

Ndítsjie xi tjoón katsꞌénkjanie tjioo̱, kó tꞌanangii̱ kisꞌie ndókoá xi ndiꞌí, ko̱jo xi jín tsꞌájinni, kó kití ngo nga ján tjiín nga̱sondiee̱, ko̱jo ngo nga ján tjiín ngayeje yá xí tjín ko̱jo ngayeje xka̱ xi sa̱si̱e̱.

Kó kamábe an, kó tsintꞌièe̱ ngo ja̱ xi tsoꞌbátji̱e̱n ngamasiee̱n ndiꞌakꞌajmii̱, kó achichí ꞌniú askjandáyà nga bi̱ katsó: –¡Ni̱ma̱ xò, ni̱ma̱ xò, ni̱ma̱ xò xota̱ xi chji̱a̱ni tꞌanangii̱, kjiꞌanga kjo̱ni̱e̱ tjio xi sa̱ꞌínkjanie xi ngi ján ndítsjiee̱!

Ndítsjie xi ma joó katsꞌénkjanie tjioo̱, kó xikó maá tsi ngo na̱xi̱ xi tjítíngá ikichijmijin ngi̱jin ndáchíkoón, kó ngo nga ján tjiín xikó kjiꞌi ndáchíkoón nga jín kamá

Ndítsjie xi ma jaán katsꞌénkjanie tjioo̱, kó ngo ńño xi xikó maá ngo yá xí tjítokó ndiꞌí xi tjítí, xi kjindibáni ndiꞌakꞌajmii̱ xi tsꞌákajin ngo nga ján tjiín ngayeje ndejèꞌ xi tjín, ko̱jo ngayeje nínga síndo ndáńchꞌi̱. Kui ńñoo xi sa kiꞌmí, kó ngo nga ján tjiín ndáfoa xi tjín nga̱sondiee̱ xi kamása, kó ta̱ngatꞌanii̱ kui ndáfoa saa̱ nga achichí xota̱ jesón.

Ndítsjie xi ma nijoón katsꞌénkjanie tjioo̱, kó kiniꞌánkjatsón ngo nga ján tjiín tsꞌueé, ko̱jo ngo nga ján tjiín saá, ko̱jo ngo nga ján tjiín ńño xi yajá nkꞌa jàn, tsi̱ꞌe̱ nga kamájñó ngo nga ján tjiín kui nii̱, kó ngiti̱ katsꞌéntsijenjín ngo nga ján tjiín nga ni̱xtjii̱n ko̱jo nga jñoó.