Popular Bible Verses from Xota̱ Ebreoo̱ 5

Share

Ta̱nga nichiniee̱, tsi̱ꞌe̱ xota̱ xi xchaá boá, xi je maa̱ be ni xi nda ko̱jo ni xi ndajiín, ngatꞌa̱ jè kamángaá nga ndyi̱tsꞌènkjién kjo̱a̱kjíntakoón.

Chjiéngá je mostro̱ ka̱majnú katsaki, nga je tsienii̱ nga kandaꞌyájnú éntjatsi̱e̱e̱, ta̱nga ta̱sá chjiénjnú nga ingo ndi̱yà kꞌuiyá nginíjnuú kjo̱a̱bokoyaá Néná kui xi tjón bokoyaá. Jè ja̱ kon ndínda kjimajnú jún, ngatꞌa̱ xikoó tsi ntsjén chjiéngá sꞌi̱o̱jnú, kó jmí tsi nichinie. Kó ngayeje xi ntsjén ꞌbii̱, xikónií ndí xi sꞌe̱ kjiyojotꞌa chiki, kui xi nde ka̱májiín sku̱i̱e̱ ni xi kixi̱ ngindyi̱ko̱n Néná.

Kó ndatsi ndií Néná kuí, tsie kjo̱a̱ni̱ma̱ jaꞌatio nga kamaá kandaꞌyáꞌén. Kó ngije Kristoo̱ kamá xi chjiéngá ka̱ma kui, kuí boá xi kamá, kui xi ngatsjéni̱xtjin kꞌo̱xiéꞌá kui xota̱ xi ndyi̱ntꞌièꞌeén.

Kó kjiꞌanga kisꞌijña Kristoo̱ kui nga̱sondiee̱, ꞌniú tsíꞌá kó achichí askjandá nga tsíchji̱a̱a̱ kui Néná xí ka̱maa̱ nga xín sa̱ꞌínkjaꞌàa̱ kjo̱a̱bo̱yaa̱, kó Néná tsintꞌieé, ta̱ngatꞌanii̱ nga kamábendikón Néná.