Popular Bible Verses from 2 Timoo̱ 1

Share

Ngatꞌa̱ Néná jmí tsi ngo a̱siénni̱xtjin xi tsiendikón xi katsjáná, a̱siénni̱xtjin xi tjiín ngaꞌniú boá, xi tjiín kjo̱a̱tjó, ko̱jo xi tsi̱ꞌe̱ nga ka̱máná nga nda kongínjo̱ yojoná.

Kui Néná xí tsꞌaxiéꞌáná, ko̱jo xi tsíchji̱a̱ná tsi̱ꞌe̱ nga ngo na̱xi̱ńdá tsjie ka̱ma, jmí tsi kjo̱a̱a̱ ni xi kiniꞌán, ta̱sá kjo̱a̱a̱ ni xi je tjíndaa̱, ko̱jo kjo̱a̱a̱ kjo̱a̱nda xi katseꞌéná ñá nga kui Kristo̱ Kjisoo̱ xi ko̱ndókjo̱a̱ ñá ndeskande ni̱xtjin nga katsꞌénda nga̱sondiee̱.

Kó kuíni nga tsꞌénbotixomaa̱ tsi̱ꞌe̱ nga si̱ꞌinkjìn jí kui kjo̱a̱nda xi katsjaá Néná kjiꞌanga íjñasoón ndsa̱ an.

Kó kuíni nga ngata̱, soboájín maá nga kꞌuiníjmì jí kjo̱a̱a̱ Ndi̱a̱ná, ti̱nde ngata̱ soboájín maá nga kꞌuiníjmì jí kjo̱a̱a̱ an, nga ndo̱bo̱a̱yà tjiꞌyá an ta̱ngatꞌanii̱ Jesukristoo̱. Kó jí nga ku̱i̱tjéjin ji kjo̱a̱ni̱ma̱ ta̱ngatꞌaa̱ éntjatsi̱e̱e̱, Néná tsja̱á ngaꞌniú tsi̱ꞌe̱ nga xchíkjo̱a̱a̱ xikoó an.

Kuíni nga tsie kjo̱a̱ni̱ma̱ xi tsꞌénfoaꞌatio an kjo̱a̱a̱ ngayeje kui nii̱, ta̱nga soboájín mana, ngatꞌa̱ jè be an ꞌyání xi je kisꞌijinna, kó be án nga ja̱koxi̱ nga kui tjiín ngaꞌniú, nga ta̱kó sꞌi̱ni̱jmì kui én xi katseꞌéna ngaskande ni̱xtjin nga Néná skotsíjee̱n mí ni xi katsꞌén nga ngo nga ngo xotaa̱.